web counter
LEXO PA REKLAMA!

SHKARKO APP

App Store
Google Play

E fundit!

x

Pas sulmit dhe dhunës ndaj Berishës/ Këlliçi kërcënon Ramën

6 Dhjetor 2022, 13:30, Aktualitet CNA

Pas sulmit dhe dhunës ndaj Berishës/ Këlliçi

Kandidati për Bashkinë e Tiranës, Belind Këlliçi, ka ashpërsuar tonet, pas sulmit dhe dhunës së ushtruar ndaj kreut të PD-së, Sali Berisha.

I revoltuar ai ka lëshuar kërcënime ndaj kryeministrit Edi Rama.

“Uroj që prapa incidentit të sotëm, të mos jesh ti. Në 12 nëntor je shpallur armik në shesh përpara të gjithë shqiptarëve. Uroj që pas incidentit të sotëm të mos jesh ti, dhe as ndonjë nga levat e tua, apo nga bastardët që ke, qoftë në Bashkinë e Tiranës, apo në ndonjë institucion qendror. Për këtë që ka ndodhur sot, do t’i shkojmë deri në fund, por nuk është ky momenti”, ka thënë Këlliçi i revoltuar pas ngjarjes së paprecedentë që ndodhi në nisje të protestës.

Deklarata e plotë:

 “Përshëndetje të gjithëve! Është momenti që ta dëgjojnë të gjithë europianët që janë në samit me Edi Ramën, Rama ik! Rama ik! Këta janë shqiptarët e vërtetë! Rama ik!

Isha pregatitur sot për të majtur fjalën më pozitive që mund të kem mbajtur ndonjëherë në ndonjë protestë, në ndonjë aktivitet, por dua ta nis vetëm me një fjalë të drejtëpërdrejtë për Edi Ramën.

Uroj që prapa incidentit të sotëm, të mos jesh ti. Në 12 nëntor je shpallur armik në shesh përpara të gjithë shqiptarëve. Uroj që pas incidentit të sotëm të mos jesh ti, dhe as ndonjë nga levat e tua, apo nga bastardët që ke, qoftë në bashkinë e Tiranës, apo në ndonjë institucion qendror. Për këtë që ka ndodhur sot, do t’i shkojmë deri në fund, por nuk është ky momenti.

Ky është momënti për të folur për të gjithë këta europianë që kanë ardhur sot. Për ta ditur të gjithë, sikundër paraadhësit tanë, demokratët, qytetarët, rinia e Tiranës, rinia e Shqipërisë me në krye prof. dr. Sali Berishën në 90-tën rrëzuam diktaturën më të egër në Europë. Sikundër ia dolëm të rrëzonim sistemin më të egër monist në vitin ’90, atë fund të garantojmë edhe ty Edi Rama.

Sot miqtë tanë europianë janë të mirëpritur në Tiranë, ne traditën tonë e respektojmë dhe miqtë i mirëpresim, por jam i bindur që europianët sot nuk kanë ardhur për qeverinë , por kanë ardhur kanë ardhur për ju, për të mësuar të vërtetën për të parë standartet dhe liritë tona, të cilat nuk janë europiane, por çdo ditë e më shumë që kalon bëhen lindore, për shkak se kemi një autokrat, një satrap lindor në krye të qeverisë sonë.

Sot Edi Rama ka mbuluar me turp, veten e tij, PS dhe këdo që vijon ta mbështesë. Unë sot si një njeri jam në betejë për standartet e BE, dhe jam krenar që jam pjesë e PD dhe këtij koalicioni opozitar që ka rrëzuar diktaturën në ’90 dhe që sot lufton me akte dhe jo me propagandë për t’u integruar në BE.

Luftën për votën e lirë e bëni ju e bën PD, e bën opozita. Luftën për minimumin jetik e bëni ju, e bën PD. Rrugën për të rritur pagat, pensionet, dhe për të garantuar një mirëqënie në shqipëri, sot e bën rinia e vendit, e bëni ju që keni mbushur këtë shesh plot e përplot, edhe pse ndodhemi në kushtet e një shtetrrethimi.

Para se të niste kjo protestë sot kam takur me qindra e qindra qytetarë që kanë parkuar makinat e tyre me kilometra larg dhe kanë ecur me kilometra në këmbë për të ardhur dhe për t’u derdhur këtu në shesh, për t’i treguar BE dhe KE se kjo është Shqipëria e vërtetë, ju jeni Shqipëria e vërtetë dhe jemi në që do ta çojmë Shqipërinë në Europë. Unë nuk dua të zgjatem shumë se ka shumë folës që do të ngjiten për të folur të vërtetat e shqiptarëve. Të vërtetat e rinisë që çdo ditë që kalon largohet nga Shqipëria. Nëse ne do të kishim minimumin e standarteve europiane në këtë vend, sot nuk do të iknin me dhjetëra autouzë nga kryeqyteti për t’u larguar në azil. Sot ne jemi kthyer në një vend që prodhon fëmijë për eksport. Sot brezi i tretë po jeton vetëm, sepse femijët i ka në emigrim. Unë kam vendosur të luftoj këtu, të luftoj bashkë me ju, të lutoj me familjen time, të qendroj me familjen time, dhe të qendroj me ju deri në fund sa ta mposhtim Edi Ramën. Rroftë PD, rroftë opozita e bashkuar, rrofshi ju dhe së bashku do ta çlirojmë Shqipërinë nga kjo e keqe e madhe. Fitore! Dhe mos harroni, Rama ik!”, tha ai.





Lajmet e fundit nga