web counter
LEXO PA REKLAMA!

SHKARKO APP

App Store
Google Play

E fundit!

x

"Është e ndarë në dy pjesë"/ Presidentja e KE-së flet për paketën e energjisë

6 Dhjetor 2022, 16:29, Aktualitet CNA

"Është e ndarë në dy pjesë"/ Presidentja e

Në një konferencë për shtyp me kryeministrin Edi Rama, dhe Presidentin e Këshillit Europian, Charles Michel, Presidentja e Komisionit Europian, Ursula von der Leyen, ka folur për përshtypjet që i ka lënë mikpritja shqiptare.

Ursula von der Leyen konfirmoi edhe një herë mbështetjen e BE-së për rajonin, ndërsa u ndal edhe te paketa për sektorin e energjisë.

“Ka qenë përvojë fantastike që të ishim në Tiranë. Jeni mikpritës të shkëlqyer, nuk kemi për ta harruar ndonjëherë atë shfaqje që pamë. Mbështetja jonë për rajonin vjen vërtet nga zemra. Ne besojmë thellësisht se duhet të punojmë së bashku. Ju thatë që jeni gati të jepni jetën. Ne nuk duam jetën tuaj, ne duam jetët tona, të jetojmë jetët tona së bashku. Një mesazh shumë i qartë i të qenit së bashku. Një Samit partneriteti me biseda të thella, të qarta, të drejtpërdrejta dhe të sinqerta.

Ne dëshirojmë të përballemi jo vetëm me sfidat që vijnë nga lufta, por edhe me pasojat që vijnë në sektorin e energjisë. Ne përballemi me këtë sfidë së bashku, ku reflektojmë çdo gjë që bëjmë në BE në Ballkanin Perëndimor. Paketa për sektorin e energjisë është e ndarë në dy pjesë. 500 milionë euro për buxhetin, ndihmë për familje, 500 milionë euro të tjera janë mbështetje për infrastrukturën për energjinë e së ardhmes”, theksoi Presidentja e Komisionit Europian./ B.A. – CNA.al





Lajmet e fundit nga