LEXO PA REKLAMA!

SHKARKO APP

Qëlloi Berishën me grusht/ Muhamet Rrumbullaku: Gerti Shehu nuk ka qenë ndonjëherë polic

6 Dhjetor 2022, 18:09, Aktualitet CNA
Qëlloi Berishën me grusht/ Muhamet Rrumbullaku: Gerti Shehu nuk ka
Drejtori i Përgjithshëm i Policisë së Shtetit, Muhamet Rrumbullaku

Drejtori i Përgjithshëm i Policisë së Shtetit, Muhamet Rrumbullaku, ka reaguar në lidhje me 31 vjeçarin Gerti Shehu, i cili goditi me grusht kryetarin e Partisë Demokratike, Sali Berisha.

Në një deklaratë për mediat, Rrumbullaku tha se Shehu nuk ka qenë dhe nuk është agjent i policisë kriminale.

“Në lidhje me deklaratat e deputetit Berisha në konferencën për shtyp, gjatë së cilës pohoi se 31-vjeçari, Gert Shehu është agjent i Policisë Kriminale, dhe se është përdorur për të kryer akt dhune ndaj tij, sqarojmë opinionin publik se:

Shtetasi Gert Shkëlqim Shehu, i vitlindjes 1991, nuk ka qenë ndonjëherë dhe nuk është agjent i Policisë Kriminale nga asnjë strukture e Policisë së Shtetit.

Gjithashtu ky shtetas nuk është përdorur asnjëherë nga shërbimet e Policisë së Shtetit si i infiltruar apo si burim informacioni”, u shpreh ai ndër të tjera./ B.A. - CNA.al

Lajmet e fundit nga