web counter
LEXO PA REKLAMA!

SHKARKO APP

App Store
Google Play

E fundit!

x

VATRA dënon ashpër sulmin ndaj kreut të PD-së/ Akt i papranueshëm dhe i neveritshëm

7 Dhjetor 2022, 08:24, Aktualitet CNA

VATRA dënon ashpër sulmin ndaj kreut të PD-së/ Akt i

Ditën e djeshme gjatë protestës së opozitës, ish-kryeministri Sali Berisha u sulmua nga 31-vjeçari, Gerti Shehu. 

Federata Pan-shqiptare e Amerikës, Vatra, ka reaguar lidhur me ngjarjen duke u shprehur se e dënon ashpër sulmin e rëndë ndaj liderit të opozitës shqiptare Prof. Dr. Sali Berisha.

Reagimi i plotë:

Federata Pan-shqiptare e Amerikës Vatra dënon ashpër sulmin e rëndë ndaj liderit të opozitës shqiptare Prof. Dr. Sali Berisha. Goditja ndaj Doktor Berishës është një akt i turpshëm dhe skandaloz.

Është një veprim i pa pranueshëm në një shoqëri të lirë dhe demokratike. Është një akt i tmerrshëm që meriton ndëshkimin më të rëndë të forcës së ligjit dhe institucioneve.


Ky akt burracak dhe i neveritshëm do jetë gjithmonë i refuzuar prej njerëzve e shoqërive të lira si veprim që bie ndesh me parimet e demokracisë, liritë e të drejtat e njeriut, shtetin ligjor, parimet kushtetuese në një shtet demokratik.


Vatra u bën thirrje autoriteteve ligjzbatuese dhe organeve të drjetësisë që të veprojnë sa më shpejt në zbardhjen e plotë të ngjarjes së dhunshme e skandaloze.


Goditja e Doktor Berishës jo vetëm si lidër i opozitës por edhe si ish-President dhe ish-Kryeministër i Republikës së Shqipërisë përbën një ditë të zezë edhe për vetë shtetin shqiptar.


Vatra i uron shërim të shpejtë Doktor Berishës dhe shpreh mbështetjen e plotë ndaj tij dhe të gjithë opozitarëve shqiptarë që kërkojnë një Shqipëri të lirë, të zhvilluar dhe demokratike.

Në emër të Federatës Pan-shqiptare të Amerikës Vatra
Kryetari./CNA.al

VATRA dënon ashpër sulmin ndaj kreut të PD-së/ Akt i





Lajmet e fundit nga