web counter
LEXO PA REKLAMA!

SHKARKO APP

App Store
Google Play

E fundit!

x

E kaluara kriminale e Gerti Shehut/ Klodiana Lala jep detaje

6 Dhjetor 2022, 21:39, Aktualitet CNA

E kaluara kriminale e Gerti Shehut/ Klodiana Lala jep detaje

Gazetarja Klodiana Lala ka folur lidhur me sulmin e sotëm ndaj kryetarit të Partisë Demokratike Sali Berisha.

Ajo u shpreh se 31-vjeçari Gerti Shehu, ishte një person me precedent penal për plagosje në gushtin e këtij viti dhe për posedim të lëndëve narkotike kanabis në të kaluarën.

Më tej Lala tha se ende nuk është konfirmuar nëse 31-vjeçari ka pasur ndonjë dorezë hekuri apo ndonjë mjet tjetër në momentin kur ka goditur ish-kryeministrin.

“Nuk ka konfirmim nëse Shehu ka pasur një hekur apo dorezë në momentin që ka goditur Berishën. Berisha më pas është ngritur në podium ndërsa agresori u dërgua në spitalin e Traumës ku ndodhet edhe momentalisht nën mbikëqyrjen e mjekëve dhe nuk ka dhënë ende një shpjegim mbi ngjarjen. Prokuroria ende nuk ka nisur një hetim të imtësishëm për agresorin, i cili raportohet se ka precedentë të mëparshëm për plagosje në gusht të këtij viti dhe për posedim të lëndëve narkotike kanabis.

Faktet janë se Shehu nuk rezulton të jetë agjent i policisë kriminale. Nga familjarët e tij është dorëzuar një diagnozë ku ai vuan nga çregullime psikotike. Shehu është edhe agresor por edhe i dëmtuar pasi u dhunua pasi goditi Berishën. Duhet theksuar se policia ka këqyrur të gjitha regjistrat në poliklinikat që ai ishte regjistruar për të parë nëse ka marrë mjekimet për çrregullimet që pretendohet se ka. Nuk rezulton se ai është polic i policisë së shtetit”, tha ajo në "Open"./CNA.al

 





Lajmet e fundit nga