web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja Roaming me BE-në/ Majlinda Bregu tregon se kur hyn në fuqi

7 Dhjetor 2022, 10:26, Aktualitet CNA

Marrëveshja Roaming me BE-në/ Majlinda Bregu tregon se kur hyn në

“Marrëveshja e Roaming është një nga ato agjenda konkrete që në dy vitet e fundit unë e përmend në çdo aktivitet, që është afrimi me Bashkimin Europian”.

Kështu është shprehur Sekretarja e Përgjithshme e Këshillit të Bashkëpunimit Rajonal, Majlinda Bregu, në një intervistë për "Euronews Albania".

Sipas saj, shqiptarët falë marrëveshjes Romaing do të paguajnë më pak për telefonat e tyre në Bashkimin Europian.

“Nga 1 tetori 2023 do të kemi tarifa më të ulëta për internetin”, tha ndër të tjera ajo.

Bregu tha se ka qenë e vështirë arritja e një marrëveshjeje me 18 operatorë dhe shpreson që të bashkohen edhe operatorë të tjerë.

 “Marrëveshja e Roaming është një nga ato agjenda konkrete që në dy vitet e fundit unë e përmend në çdo aktivitet, që është afrimi me Bashkimin Europian. Sot vendet e Ballkanit marrin 1 mld euro mbështetje për energjinë elektrike. Nuk jemi jashtë skemës së përfitimit për të përballur krizën së bashku. Roaming është një marrëveshje e rëndësishme sot dhe për këtë arsye ne nuk ju ndamë derisa mbërritëm në këtë ditë. Për këtë arsye Roaming është një marrëveshje e rëndësishme sot. Nuk ka mbaruar vështirësia për të arritur në këtë proces, ka pasur dakordësinë e 18 operatorëve. Shpresoj që të ketë edhe operatorë të tjerë që të na bashkohen. Ne Komisioni Europian jemi pala negociuese për marrëveshjen me Roaming”, u shpreh ajo.

Në kuadër të Samitit BE – Ballkani Perëndimor u nënshkrua dje në Tiranë Marrëveshja Roaming, e cila i hap rrugë nisjes së procesit për heqjen e tarifës roaming mes vendeve të Bashkimit Europian dhe Ballkanit Perëndimor.

Marrëveshja u nënshkrua në prani të 6 udhëheqësve të Ballkanit Perëndimor, Presidentit të Këshillit Europian, Charles Michel, Presidentes së KE-së, Ursula von der Leyen, Komisionerit për Fqinjësinë dhe Zgjerimin Olivér Várhelyi dhe Sekretares së Përgjithshme të Këshillit Rajonal të Bashkëpunimit, Majlinda Bregu.





Lajmet e fundit nga