E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

"Ngjarje kriminale"/ Lorenc Vangjeli: Në momentin e sulmit Berisha u tregua vërtetë politikan

7 Dhjetor 2022, 13:25, Aktualitet CNA

"Ngjarje kriminale"/ Lorenc Vangjeli: Në momentin e sulmit

Analisti Lorenc Vangjeli ka komentuar sulmin e ndodhur dje ndaj kreut të PD-së, Sali Berisha.

Sipas tij u vërtetua ajo që vetë Berisha kishte deklaruar.

Përballë gazetares Aida Tonçica, Vangjeli tha se ishte një ngjarje e rëndë kriminale, ku dhuna është e dënueshme dhe nuk është e papranueshme për cilindo, qoftë ushtruesi apo viktima.

“Sa i përket incidentit me Berishën ngjarja është e rëndë. Kjo ishte një ngjarje kriminale, dhuna është tërësisht e dënueshme dhe e papranueshme cilidoqoftë, ushtruesi dhe viktima. Kjo është një ngjarje e cila na godet të gjithëve. Një ngjarje që do lusja Zotin të mos kishte ndodhur, por ndodhi. Dje ndjeva dhe e pashë skenën ishte diçka e cila do të duhet të mos kishte dalë asnjëherë në të gjitha rrethanat dhe ndjeva një keqardhje për ngjarjen, Berishën dhe për gjithkënd, madje dhe për agresorin, ka shumëçka për t'u thënë në një gjë të tillë, u vërtetua ajo çka vetë Berisha kërkonte sepse ai mendonte se 6 dhjetori do të ishte konferenca më e madhe e tij e shtypit, por në fakt ndodhi diçka tjetër me rreth 1 mijë përkrahës të tij ai u bë subjekt i qindra gazetarëve një ditë më pas për shkak të ngjarjes”, u shpreh Vangjeli.

I pyetur nëse kjo ngjarje po përdoret për politikë, Vangjeli tha se në momentin e parë të sulmit Berisha është treguar vërtetë politikan duke ruajtur qetësinë, ndërsa sa i takon kryeministrit shtoi se ishte i fundit që do e donte një gjë të tillë.

"Në Shqipëri shumëkush prej atyre që janë në rreshtin e parë të politikës vrapon për interesin vetjak. Në këtë histori besoj se mënyra më e mirë për t'u qasur është ajo që zgjodhi Berisha në momentin e parë të sulmit, gjakftohtësia me të cilën ai menaxhoi momentin e parë, me qetësi duke u treguar vërtetë politikan. Por kjo zgjati vetëm pak sepse Berisha më pas u rikthye në profesionin e vetë dhe bëri hetimin e ngjarjes, dhe të porositësit. I fundit që do e donte një gjë të tillë ishte kryeministri, ai u tregua i vetëpërmbajtur", ka thënë më tej ai.