E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

Marrëveshja e roamingut me BE-në/ Gazetari zbardh prapaskenat

7 Dhjetor 2022, 14:00, Aktualitet CNA

Gazetari Klodian Tomorri ka komentuar zhvillimet në Samitin BE-Ballkani Perëndimor, të mbajtur dje në Tiranë.

Sipas tij dy zhvillime ndodhën dje, ku e para lidhet me grantin 85 milionë eurosh që BE-ja do t'i japë si mbështetje buxhetore Shqipërisë dhe marrëveshja roaming.

Por gazetari shkon më tej duke u shprehur se lajmi për roamingun është një lajm i vonuar pasi kjo marrëveshje duhet të ishte bërë me kohë, e për më tepër ai shprehet se kompania telefonike Vodafone nuk e ka nënshkruar këtë marrëveshje.

“Lajmi i dyte ishte ai i roamingut. Zhurmë e madhe se do ulen tarifat e roamingut me vendet e BE-së. E para ky është një lajm shumë i vonuar se duhet të ishte bërë me kohë. Por edhe këtu ka një kleckë të madhe. Samitsat harruan të thonin se marrëveshjen e roamingut e ka nënshkruar vetëm 4iG, ndësa Vodafoni nuk e ka firmosur.

Se pse nuk e nënshkroi Vodafoni marrëveshjen për uljen e tarifave roaming akoma nuk dihet saktë. Disa zëra thonë se CEO-ja i madh ka qenë i zënë dhe s'ka patur kohë të merret me këtë punë. Të tjerë thonë se Vodafoni sikur nuk e ka me qejf këtë punën e uljes së tarifave roaming me BE-ne.

Por përtej shkaqeve, e sigurtë është vetëm kaq. Sot për sot, nga angazhimi për uljen graduale të tarifave për roamingun përfitojnë vetëm abonentët e 4iG-së (ish One dhe Albtelecom), ndërsa ata të Vodafone duhet të presin akoma, nëse do të kenë kohë dhe dëshirë drejtuesit e Vodafone për të firmosur marrëveshjen.”- shkruan ai në statusin e tij në "Facebook".

Postimi i plotë:

Një samit i madh dhe gjysmë lajmi i vogël

Erdhën udhëheqësit e gjithë Europës në Tiranë dhe dhanë dy lajme të rëndësishme për popullin. Lajmi i parë ishte granti 85 milione euro si mbështetje buxhetore për Shqiperinë.

Ne fakt, ky është lajm i përsëritur. Këtë 80 milionëshen e deklaroi Von Der Leyen kur erdhi në Shqipëri në fund të tetorit. Si stili i qeverise domethënë, që përuron një rrugë 3 here. Ah po i kanë shtuar dhe 5 milionë euro. Po nejse.

Lajmi i dyte ishte ai i roamingut. Zhurmë e madhe se do ulen tarifat e roamingut me vendet e BE-së. E para ky është një lajm shumë i vonuar se duhet të ishte bërë me kohe. Por edhe këtu ka një kleckë të madhe. Samitsat harruan të thonin se marrëveshjen e roamingut e ka nënshkruar vetëm 4iG, ndësa Vodafoni nuk e ka firmosur.

Se pse nuk e nënshkroi Vodafoni marrëveshjen për uljen e tarifave roaming akoma nuk dihet saktë. Disa zëra thonë se CEO-ja i madh ka qenë i zënë dhe s'ka patur kohë të merret me këtë punë. Të tjerë thonë se Vodafoni sikur nuk e ka me qejf këtë punën e uljes së tarifave roaming me BE-ne.

Por përtej shkaqeve, e sigurtë është vetëm kaq. Sot për sot, nga angazhimi për uljen graduale të tarifave për roamingun përfitojnë vetëm abonentët e 4iG-së (ish One dhe Albtelecom), ndërsa ata të Vodafone duhet të presin akoma, nëse do të kenë kohë dhe dëshirë drejtuesit e Vodafone për të firmosur marrëveshjen.

Pra këto ishin lajmet e samitit të udhëheqësve të mëdhenj të Europës. Një lajm i vjetër dhe gjysmë lajmi i ri. Ah po, ka dhe një lajm tjetër.

Kishin shkruar në një paragraf aty tek deklarata, që këtej e tutje duhet të bëhet më shumë propagandë, që populli të shohë se sa të mira i ka bërë BE. Mirë e keni ju, por qeverisë nuk i del radha për propagandën e vet, të merret dhe me atë tuajën./CNA.al