web counter
LEXO PA REKLAMA!

SHKARKO APP

App Store
Google Play

E fundit!

x

E pranishme në sulmin ndaj Berishës/ Rudina Hajdari rrëfen momentin: Ishte rrëqethëse

7 Dhjetor 2022, 16:16, Aktualitet CNA
E pranishme në sulmin ndaj Berishës/ Rudina Hajdari rrëfen
Ish-deputetja e Partisë Demokratike, Rudina Hajdari

Ish-deputetja e Partisë Demokratike, Rudina Hajdari, ka folur për momentin ku ndodhi agresioni ndaj kreut të PD-së, Sali Berisha, i cili u godit teksa nisej për në protestë një ditë më parë.

Hajdari u shpreh se ishte një situatë rrëqethëse, që mund të kishte pasuar me tensione të mëdha por kjo nuk ndodhi falë Berishës.

“Kam qenë aty dhe i jam afruar pranë sapo ishte qëlluar. Ishte një situatë rrëqethëse, që mund të kishte pasur tensione më të mëdha. Ishte vetë Berisha që e qetësoi turmën. Ishte guximi i tij, qetësia e tij, fakti që eci përpara drejt foltores, në podium ku doli për t’u komunikuar protestuesve se ishte në gjendje të mirë shëndetësore. Nga ajo goditje e fortë mund të kishte tronditje fizike, por i mblodhi të gjitha forcat. Por mendoj se opozita mori kurajë totale nga ai, pasi ishte moment i vështirë për të gjithë. Të mendosh që këtë ngjarje e ka inskenuar Berisha, që të qëllojë veten e tij, është absurd”, tha Hajdari.

Ndër të tjera, Hajdari ka thënë se vërtetimi mjekësor i Gerti Shehut, që tregon se ai është me çrregullime bipolare, është diçka e stisur. Sipas saj kjo ngjarje nuk është trajtuar me seriozitetin e duhur.

“Në momentin kur u bë goditja isha në protestë kur doli ajo letër, vërtetim mjekësor, që agresori kishte të meta mendore. M'u duk totalisht një gjë e stisur. Që nga letra e ngjarjet më pas, nuk e kanë trajtuar këtë ngjarje me seriozitetin e duhur”, tha Rudina Hajdari./ CNA.al





Lajmet e fundit nga