web counter
LEXO PA REKLAMA!

SHKARKO APP

App Store
Google Play

E fundit!

x

“Doktori ndërhyri për mos ta goditur”/ Erzen Breçani: Si e shoqërova agresorin në momentin e sulmit

7 Dhjetor 2022, 21:44, Aktualitet CNA
“Doktori ndërhyri për mos ta goditur”/ Erzen
Ish-drejtuesi i Policisë së Shtetit, Erzen Breçani

Ish-drejtuesi i Policisë së Shtetit, Erzen Breçani, ka treguar me detaje se si ka ndërhyrë në momentin e sulmit ndaj kryetarit të PD-së Sali Berisha gjatë protestës së djeshme.

Breçani tregoi se sapo kishte dëgjuar që u godit Berisha, kishte vrapuar dhe kishte parë që ky i fundit ishte në këmbë, ndërsa agresori Gerti Shehu ishte rrethuar nga protestuesit dhe bodiguardët.

Ai u shpreh se fatmirësisht ata i kishin besuar dhe e kishin lënë që ta shoqëronte, ndërsa deklaroi se edhe vetë Berisha kishte tentuar të qetësonte situatën.

Ish-drejtuesi i policisë theksoi në emisionin “Now” se gjatë kohës që po shkonte t’ia dorëzonte efektivëve, shumë persona tentuan ta godisnin.

“Dëgjova si u goditi doktori, vrapoj nga pjesa nga mbrapa dhe e shoh që ishte në këmbë dhe shoh që po godisnin këtë autorin. Unë ndërhyra, ai ishte përtokë. Ai gjuajti me shqelma dhe bodiguartë e simpatizantë duke goditur. Gjej momentin t’i falenderoj që mu bindën. E ndaluan përdorimin e forcës për neutralizimin e tij dhe ma besuan mua.

Duke ecur ishte e pamundur  që ta fusja më në turmë dhe ta dorëzoja te rruga këmbësore që shkon për te rruga “Papa Gjon Pali II”. Sepse po ta fusja prap në turmë, unë e dija që do ma merrnin prap nga duart se ishin shumë të irrituar. Vetë doktori, vetë Ilir Meta kanë ndërhyrë për mos ta goditur dhe kur më kanë parë që kam ndërhyrë unë, normalisht kanë krijuar një farë besimi se di ku ta dërgoj dhe kujt t’ja dorëzoj.

Kam vazhduar rrugën gjatë trotuarit. Kanë tentuar të më afroheshin shumë njerëz për ta goditur, nuk i kam lënë. Biles njëri me tabelë, me pankartë ka goditur dhe fatmirësisht nuk i ra atij po më ra mua. Unë mund ta them se ishte fat për të që unë isha aty për agresorin se goditjet e kokës që i mori ai në asfalt, mund të ishin edhe fatale për jetën”, nënvizoi Breçani./ B.A. – CNA.al





Lajmet e fundit nga