web counter
LEXO PA REKLAMA!

SHKARKO APP

App Store
Google Play

E fundit!

x

U tha se Gert Shehu ishte me probleme mendore/ Saraçi: Mjekët duhet të jenë në burg

7 Dhjetor 2022, 19:42, Aktualitet CNA
U tha se Gert Shehu ishte me probleme mendore/ Saraçi: Mjekët duhet
Gazetari Romir Saraçi

Gazetari Romir Saraçi ka deklaruar ditën e sotme se mjekët që lëshuan vërtetimin për Gert Shehun që të pajset me leje drejtimi duhet të jenë sot në burg.

Ndër të tjera, Saraçi në një intervistë me Sonila Meçon ka thënë se Gert Shehu nuk është një njeri hallexhi ashtu sikurse e kanë  portretizuar disa disa media.

Sipas tij, ky portretizim është i kopsitur, i koordinuar, me orkestrim, dirigjim nga një person.

“Edhe nëse e ka të rregullt kartelën mjekësore, ata mjekë sot duhet të jenë në burg. Për të marrë një patentë duhet, hapi i parë, të shkosh te mjeku i familjes për të marrë një formular dhe për ta plotësuar. Këta mjekët që kanë në monitorim këtë, si i kanë dhënë vërtetim, kur e dinë që në 2018 sipas dokumentit që e mjekojnë, i japin në 2022 vërtetimin për patentë? Ka marrë edhe kredi në bankë disa muaj më parë. Ka shumë mister që e rrethojnë këtë ngjarje dhe për figurën e Gert Shehut nuk është një njeri i rëndomtë, në kuptimin që është hallexhi. Këto media bënë edhe një portret për këtë si jeton familja e tij në varfëri, portret për të ngjallur linjën e reagimit. E kopsitur, e koordinuar, me orkestrim, dirigjim nga një person. Të gjitha këto të bëjnë të dyshosh që ajo ka qenë një sulm i drejtpërdrejtë i porositur për të shkaktuar pasoja”, theksoi ai./ CNA.al





Lajmet e fundit nga