LEXO PA REKLAMA!

SHKARKO APP

Sulmi ndaj Berishës/ Armir Shkurti gjen "autorin" e vërtetë

8 Dhjetor 2022, 22:00, Aktualitet CNA
Sulmi ndaj Berishës/ Armir Shkurti gjen "autorin" e
Gazetari Armir Shkurti

Gazetari Armir Shkurti ka gjetur “autorin” e vërtetë të sulmit ndaj kryetarit të Sali Berishës, i cili u godit nga Gerti Shehu në nisje të protestës së 6 dhjetorit.

Me anë të një statusi në rrjetet sociale, Shkurti thotë se “autori” i kësaj ngjarjeje është kryeministri Edi Rama.

Ai deklaron se Ramën e bën me faj portretizimi që ai dhe eksponentë të PS-së i kanë bërë Berishës dhe protestës së 6 dhjetorit në daljet e tyre publike.

“Po! Edi Rama është autori i goditjes me grusht të Berishën në protestën e 6 dhjetorit!

Ku bën vaki që pushteti mobilizohet i gjithi në një fushatë agresive kundër udhëheqësit të opozitës? E kundërta ka kuptim. Pra opozita qorton, kritikon, mor edhe shan qeverinë. Pastaj bën protesta, revoltë, përmbysje të pushtetit.

Në Shqipëri del një byth ish aktivisteje kokëpakrehur, tani ministre dhe i ngjit çmos epiteti kryetarit të opozitës. Çohet kryetari i grupit parlamentar i pushtetit dhe pasi nuk kursen agresionin verbal ndaj Berishës, shpërndan sihariqin se "do ta shpallë non grata edhe Europa".

Po këta janë marjonetat. Në krye qëndron Edi Rama që çdo të zezë i ka veshur e i vesh liderit të PD-së. U bë një fushatë - kllounatë para protestës ku gjithë "paria" (qeveri - bashki) me të njejtin tekst na quanin "turpërim" atë që Berisha (dhe jo opozita) do bënin në 6 dhjetor.

Me aq mut me presion që lëshon pushteti për më shumë se një vit mbi shqiptarët, kundër Sali Berishës, unë them shyqyr që nuk i ra në grusht truproja i vet e jo më një anonim”, shkruan gazetari./ B.A. – CNA.al

Sulmi ndaj Berishës/ Armir Shkurti gjen "autorin" e

Lajmet e fundit nga