web counter
LEXO PA REKLAMA!

SHKARKO APP

App Store
Google Play

E fundit!

x

Sulmi ndaj Berishës/ Klodiana Lala ngre dyshimet e forta, pyetjet që mundojnë gazetaren

9 Dhjetor 2022, 08:41, Aktualitet CNA
Sulmi ndaj Berishës/ Klodiana Lala ngre dyshimet e forta, pyetjet që
Gazetarja Klodiana Lala

Gazetarja Klodiana Lala ka ngritur dyshime të forta në lidhje me sulmin ndaj kreut të PD-së, Sali Berisha.

Përmes një statusi në rrjetet sociale, Lala shtron disa pyetje në lidhje me dokumentin mjekësor të 31-vjeçarit Gerti Shehu dhe veprimet e nënës së tij.

Sipas saj 31-vjeçari nuk ka vepruar si ujk i vetmuar, por është manipuluar nga dikush, por këtë duhet ta zbulojnë hetuesit, thotë Lala.

“E kam trajtuar tek Adi Krasta dhe do doja ta prekja sërish këtë çështje.

Shpejtësia me të cilen u shpërnda dokumenti mjekësor  që rrekej të tregonte se Gert Shehu që goditi me grusht z.Berisha është i sëmurë mendor më bën të ngre disa dyshime.

Pyetja e parë që më vjen natyrshëm është;

Një nënë që sheh djalin të godasë Sali Berishën dhe më pas ta godasin a mundet të futet në malin me dokumenta që ka në shtëpi për të gjetur mes tyre dokumentin mjekësor? Nëse po për cilat arsye i duhej me kaq urgjencë, kur për të prioritare do duhet të ishte shëndeti i djalit të vetëm?

E dyta, si mundi të gjente ajo apo familjarët e tjerë kontaktet e gazetarëve që mbulonin protestën?

E treta si ja dorëzoj me urgjencë policisë kur me 6 dhjetor Tirana ishte e paralizuar dhe s’kishte qarkullim?

Këto pyetje më mundojnë.

Por s’pata mundësi ti trajtoja më gjatë në “Opinion” sepse pati shumë dinamike emisioni.

 Dyshimet e mia janë se 31 vjeçari nuk ka vepruar si ujk i vetmuar, por është manipuluar nga dikush.

Nga kush?

Këtë pres ta thonë hetuesit, s’kam tagër ta them unë!”, shkruan gazetarja Klodiana Lala./ CNA.al





Lajmet e fundit nga