LEXO PA REKLAMA!

SHKARKO APP

"Twitter", Musk heq nga puna edhe pastruesit  

9 Dhjetor 2022, 09:43, Aktualitet CNA

"Twitter", Musk heq nga puna edhe pastruesit  

Pastruesit në selinë e "Twitter"-it në San Francisko i kanë thënë "BBC"-së se janë pushuar nga puna pa pagesë.

Njëri prej tyre i tha "BBC"-së se Elon Musk u kishte thënë se ata do të zëvendësoheshin me robotë.

Avokati David Chiu në San Francisko, tha se Musk po hetohet nëse ka shkelur ligjin. 

"Twitter" nuk i është përgjigjur kërkesës së "BBC"-së për këtë çështje.

"BBC" foli me katër pastruese që thonë se u pushuan nga "Twitter" të hënën.

Adrianna Villarreal, e cila ka punuar për "Twitter" për katër vjet, tha se është e shqetësuar se nuk do të ketë para të mjaftueshme për të ushqyer familjen e saj dhe as për festën e Krishtlindjeve.

 

"Twitter", Musk heq nga puna edhe pastruesit  
Adrianna Villarreal

 

“Është një gjë e trishtueshme dhe frustruese për familjet dhe fëmijët tanë”, tha ajo.

Pastruesit po punonin në "Twitter" javën e kaluar derisa u tha se puna e tyre ishte në rrezik.

Olga Miranda, presidente e sindikatës së pastruesve, tha se ata organizuan një grevë të hënën për të protestuar. Më pas, pastruesve iu tha se ishin pushuar nga puna menjëherë, tregon ajo.

"Ata e bënë këtë tri javë para Krishtlindjeve. Unë mendoj se ne u pushuam sepse jemi një sindikatë", u shpreh ajo.

Julio Alvarado, një tjetër pastrues që ka punuar për 10 vjet në "Twitter", thotë se mjedisi i punës ka qenë gjithmonë miqësor gjatë kohës që ai ka qenë atje.

"Twitter", Musk heq nga puna edhe pastruesit  
Julio Alvarado

Por ai rrëfen se gjërat ndryshuan kur Elon Musk mori drejtimin e "Twitter" në tetor.

"Njerëzit kanë punuar pa shqetësime. Tani kemi frikë," tha ai për "BBC".

“Mund t’ju ??them vetëm se nuk kam para për të paguar qiranë”, thotë ai. "Unë nuk do të kem sigurim mjekësor. Nuk e di se çfarë do të bëj”, thotë më tej ai.

Juana Laura Chavero Ramirez tha se kishte punuar për pesë vjet në "Twitter". 

Ajo është diabetike, ndaj është e shqetësuar se nuk do të jetë në gjendje të marrë mjekimin e saj.

"Është thjesht e tmerrshme," tha ajo

“Ne jo vetëm që po humbasim punën, por edhe të ardhurat tona”, shtoi më tej.

Adrianna Villarreal, e cila kishte punuar në "Twitter" që nga viti 2018, tha se ishte e shqetësuar se nuk do të ishte në gjendje të përballonte dhuratat e Krishtlindjeve.

"Ne supozohet të kemi dhurata për Krishtlindje për fëmijët tanë," tha ajo.

Pastruesit thonë se nuk dinë çfarë të bëjnë, pasi ka pak vende të lira pastrimi në San Francisko për momentin.

Ndërkohë një grup i vogël pastruesish kanë protestuar jashtë selisë së "Twitter" në San Francisko që nga e hëna.

Senatori i shtetit të Kalifornisë Scott Wiener i tha "BBC"-së se pastruesit ishin trajtuar në mënyrë të tmerrshme.

Lajmet e fundit nga