web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët që shkojnë tek iranianët

14 Prill 2023, 15:44, Editorial CNA
Inceneratorët që shkojnë tek iranianët
Inceneratori i Tiranës

Ish-kryeministri Sali Berisha sot ka hedhur akuza të forta në lidhje me aferën e inceneratorëve.

Për të dytën herë ai i ka dhënë një drejtim tjetër dhe një vëmendje krejt tjetër çështjes së inceneratorëve. Berisha ka theksuar se gjurmët e tyre shkojnë në Iran. Kjo nuk është hera e parë që Berisha e thotë këtë akuzë.

Sot ai ka publikuar dhe një foto të Milaid Lopës, i cili njihet dhe si një nga njerëzit e inceneratorëve apo i lidhur me rrjetin e tij nga Shqipëria në Zimbabve. Fotoja e Berishës tregon Miliad Lopën dhe Qazim Sulejmanin, iranianin e Gardës Revolucionare. Por ky nuk është rasti i parë.

Inceneratorët që shkojnë tek iranianët
Në foto Miliad Lopa dhe Qazim Sulejmani

Më parë ka pasur edhe një tjetër denoncim për inceneratorët që shkojnë në lidhje me iranianët.

Denoncimi u bë nga Gabriele Tarroni Longinotti, ish-ortaku i Alberto Presezzi-t, ky i fundit ortak në kompaninë e inceneratorit të Tiranës, si dhe administrator dhe pronar i Shoqërisë "Bruno Presezzi".

Longinotti ka dëshmuar se Presezzi ka blerë në qytetin e Kostancës në Rumani një incenerator gjysmautomatik të dorës së dytë dhe më pas ia shiti Shqipërisë, pasi dështoi t’ia shesë Zimbabve.

Sipas Longinotti-t, kanë qenë iranianët që kanë financuar blerjen e këtij inceneratori për Shqipërinë.

Por lidhjet nuk përfundojnë me kaq. Edhe ekspertja e ekonomisë, Brisida Shehaj, ka denoncuar se si tentakulat e inceneratorëve shkojnë deri në Iran.

Ajo ka treguar se Bruno Presezzi, i njëjti person që i shiti Shqipërisë inceneratorin e përdorur, nëpërmjet kompanisë së tij ka një kontratë me kompaninë shtetërore të Iranit për energjinë, “Mapna”.

Shehaj ka deklaruar se kompania e Presezzi-t, partnere e iranianëve, ka gjurmë transaksionesh me inceneratorin e Tiranës.

Tashmë çështja e inceneratorëve nuk duket të jetë thjesht dhe vetëm një aferë korruptive që filloi në Elbasan, shkoi në Fier dhe më pas në Tiranë, ku Mirel Mërtiri, "truri" i tyre, po përpiqet të shpëtojë duke përdorur televizionet dhe mediat e tjera duke paguar para sa në "Top Channel", "Report TV", nëpër portale, "News 24", e kështu me radhë, për të ndërtuar një propagandë të madhe mediatike.

Inceneratorët që shkojnë tek iranianët

Fillimisht, duke relativizuar çështjen me politikën duke thënë e ka bërë Mona, LSI-ja, janë të korruptuar, nuk duhen besuar, apo më tej, duke sulmuar dhe akuzuar mediat që nxirrnin fakte prej vitesh dhe publikojnë sistematikisht.

Kanë paguar më shumë para, s’ka korrupsion, ka evazion fiskal, megjithëse Lefter Kokës që ndodhet pas prangave i janë gjetur para nga SPAK-u në xhepat e tij apo skemat e familjarëve.

Lëvizje ligjore, propagandë mediatike, propagandë për të shpëtuar nga akuzat dhe zbardhja e së vërtetës që duket se sipas Berishës dhe denoncimit të bërë prej tij është shumë herë më e thellë sesa çështja e asaj që denoncojnë në media përfshirë këtu edhe CNA, duke pretenduar se është një aferë korruptive që shqiptarët e varfër nuk duhet të paguajnë kaq shtrenjtë, që inceneratori i Elbasanit do miliona euro që të qëndrojë në punë, që inceneratori i Fierit ende nuk është vënë në punë, që janë shpenzuar 34 milionë euro, pa shkuar te Tirana që paguan 29 euro/ton, ndërkohë që incenerim nuk ka, sot dhe pas 6 vitesh të firmosjes së kontratës koncensionare.

Firma kontraktuese ka fituar rreth 30 milionë dollarë, ka investuar rreth 22 milionë dollarë. Ndërkohë që ky shërbim mund të ishte shumë herë më i lirë për Bashkinë e Tiranës, për qytetarët e Tiranës që kanë nevojë për më shumë ujë, për më shumë infrastrukturë, për më pak trafik, për më shumë shërbim cilësor urban, por mesa duket çështja nuk fillon dhe nuk mbaron te Klodian Zoto dhe Mirel Mërtiri.

Tashmë po shkon te disa aksionerë të rinj italianë, i lidh me kompani dhe me persona me emra konkretë dhe me foto, të cilat u publikuan. Pra, historia e inceneratorëve nuk duket të jetë aq e thjeshtë sa një gjë e vogël, siç konsiderohet nga vetë rilindja, që po sulmohet padrejtësisht nga mediat, por është një çështje shumë herë më e madhe dhe një skemë që nga pas duket se ka dhe gjëra të paparashikueshme që deri më parë askujt nuk i shkonin ndër mend./ CNA.al





Lajmet e fundit nga