web counter
LEXO PA REKLAMA!

SHKARKO APP

App Store
Google Play

E fundit!

x

Prova të reja për inceneratorët/ Kush akuzohen si bashkëpunëtorë të Klodian Zotos dhe Mirel Mërtirit

17 Janar 2023, 11:37, Aktualitet CNA
Prova të reja për inceneratorët/ Kush akuzohen si
Foto ilustruese

Ish-kryetarja e LSI-së, Monika Kryemadhi, ka vijuar me denoncimet për aferën e inceneratorëve, ku kokat e kësaj afere si Klodian Zoto, Mirel Mërtiri janë në kërkim. 

Në një konferencë për mediat, Kryemadhi ka publikuar fakte të reja dhe filmime që tregojnë të kundërtën e asaj që kanë deklaruar zyrtarët qeveritarë.

Kryeministri, sipas saj deklaroi se në inceneratorin e Tiranës bëhet ndarja në burim, riciklim dhe djegie, ndërsa nga pamjet që transmetohen në dokumentar tregojnë se bëhet vetëm kapsulimi.

“Këto projekte janë një nga krenaritë e mia si kryeministër, kjo nuk ka pikë dyshimi. Atje plehrat mblidhen dhe trajtohen”, është shprehur kryeministri në deklaratën e tij në Komisionin Hetimor.

“Unë me Edi Ramën e kam thënë dhe njëherë jemi një”, është shpehur Veliaj në Komision.

Ndër të tjera, Kryemadhi shfaq një video ku shihet duke hedhur në kontejnerët e mbeturinave një qese fosforeshente me mbeturina të riciklueshme për të gjurmuar procesin e trajtimit të mbetjeve.

Nga pamjet e filmuara me dron nga gjurmimi i qeses fosforeshente kuptohet qartë që në inceneratorin e Tiranës nuk kryhet asnjë proces qoftë nga ato që  zotohet kryeministri në komision qoftë edhe nga deklarimet e përfaqësuesve të kompanisë. Sipas pamjeve me dron në inceneratorin e Tiranës kryhet vetëm procesi i peshimit dhe groposjes së mbetjeve. Pra, asnjë proces tjetër për të cilin kompania paguhet 29 euro për ton./CNA.al





Lajmet e fundit nga