LEXO PA REKLAMA!

SHKARKO APP

Si shantazhojnë gjyqtarët/ Andi Bushati, debat me Kreshnik Spahiun

17 Janar 2023, 08:26, Aktualitet CNA
Si shantazhojnë gjyqtarët/ Andi Bushati, debat me Kreshnik Spahiun
Foto ilustruese

Situata në Partinë Demokratike dhe “lufta” në Gjykatë ka shkaktuar replika mes analistit Andi Bushati dhe juristit Kreshnik Spahiu.

Në emisionin “Now” në "Euronews Albania", Bushati u shpreh se çështja e vulës po zvarritet, teksa shtoi se në 32 vite, gjyqtarët kanë shantazhuar.

Por sipas, Spahiut kjo është një çështje administrative, që duhet ta zgjidhin vetë demokratët.

Replikat Bushati-Spahiu

Kreshnik Spahiu: Meqë iu referuam një rasti sporadik. Realisht, kjo është si çështja e një divorci. Nuk ka një praktikë gjyqësore, që gjykata të vendosë fatin e një çifti që ka 30 vite që dhunohet dhe rrihen me njëri-tjerin. Nëse ngel puna, që fati i çiftit që të bashkëjetojë sërish, ka marrë fund. Kjo është një çështje administrative, që këta duhet ta zgjidhin me njëri-tjetrin.

Andi Bushati: Ti e di më mirë sesa unë, që në Shqipëri, këto 30 vjet, që ka pasur gjykatës që kanë shantazhuar deri si do ndajnë fëmijët. Duke mos zbatuar ligjin, por për arsye korruptive, kanë ndërhyrë edhe në marrëdhëniet e familjes. Në këto kushte jemi edhe në politikë. Nuk ka rëndësi, kush ka më shumë të drejtë, Berisha apo Basha apo Alibeaj, këtu po përdoret shteti në grushtet midis këtyre. Kjo është e turpshme./CNA.al

Lajmet e fundit nga