web counter
LEXO PA REKLAMA!

SHKARKO APP

App Store
Google Play

E fundit!

x

Video - Sot “Top Channel” e ka marrë opinioniste/ Si Zhaklin Lekatari sulmonte “Big Brother”

16 Janar 2023, 18:41, Aktualitet CNA
Video - Sot “Top Channel” e ka marrë opinioniste/ Si Zhaklin
Zhaklin Lekatari

Zhaklin Lekatari është një nga opinionistet e edicionit të dytë të “Big Brother VIP” në “Top Channel”.

Por para se të merrte këtë rol, Zhaklina nuk kishte një mendim të mirë për formatin e “Big Brother”.

Në një intervistë me gazetarin Mustafa Nano, në 15 korrik të 2022-shit, para se reality show të fillonte edicionin e ri, Zhaklina e sulmonte “Big Brother”.

Ajo deklaronte se nuk e kishte parë këtë format dhe e kishte evituar sa më shumë, ndërsa e cilësonte si një dalldi kolektive totalisht të pajustifikuar.

Aktivistja dhe gazetarja theksonte se dinamikat mund të ishin të sajuara, madje zbuloi se kishte marrë edhe ftesë nga ky format, por e kishte refuzuar.

““Big Brother” nuk e kam parë, e kam evituar sa më shumë të ishte e mundur. Ishte dalldi kolektive totalisht e pajustifikuar nuk doja ta dija çfarë ndodhte aty se ishte humbje kohe. Dinamikat e shtëpisë mund të ishin dhe të sajuara dhe nuk më sillnin asnjë të mirë. Sa më shumë i shihja të polarizar, më dukej sikur e gjithë kjo shoqëri e dalë në një arenë për personazhet e “Big Brother” një vrimë në ujë, një thagmë. U ftova dhe e refuzova.

Madje sot mora një ftesë për “Big Brother Kosova” dhe e refuzova. Vetëm fakti që do jem e mbyllur dhe do jem kavje dhe nuk do vendos unë dhe nuk do jem unë aktori i asaj kohe, më shqetëson.

Unë kam gjëra se çfarë do humb nëse izolohem, nuk e dua atë lloj fame. Plus nuk e di me çfarë nivelesh dhe ideologjish do përballet dhe nuk e di nëse do e menaxhoja dot. Shëndeti im mendor besoj se është më i rëndësishëm se fama. Më shumë se dy persona mendoj se patën probleme të shëndetit mendor”, nënvizonte Zhaklina asokohe.

Por çfarë e bëri atë të ndryshonte mendim? Pse Zhaklin Lekatari vendosi t’i bashkohet “Big Brother”-it si opinioniste?

Këto janë pyetje që duhet tu përgjigjet vetë Zhaklina, për të mos e lënë enigmë bashkimin e saj me “Big Brother”, formatin që e cilësonte si humbje kohe./ CNA.al





Lajmet e fundit nga