web counter
LEXO PA REKLAMA!

SHKARKO APP

E fundit!

x

Zgjidhet anëtari i ri i Gjykatës Kushtetuese/ Emri

16 Janar 2023, 11:26, Aktualitet CNA

Zgjidhet anëtari i ri i Gjykatës Kushtetuese/ Emri

Holta Zaçaj është zgjedhur anëtare e Gjykatës Kushtetetuse në vend të Vitore Tushajt.

Sot në, orën 09.30, është zhvilluar mbledhja e Posaçme e gjyqtarëve të Gjykatës së Lartë në lidhje me procedurën e votimit për zgjedhjen e anëtarit të Gjykatës Kushtetuese, bazuar në listën e dërguar për këtë qëllim nga Këshilli i Emërimeve në Drejtësi.

Në përfundim të procesit të votimit, rezultoi se kandidatja Holta Zaçaj mori 6 (gjashtë) vota dhe kandidatja Elsa Miha mori 6 (gjashtë) vota, ndërkohë që 3 (tri) vota u shpallën të pavlefshme.

"Në zbatim të nenit 7/ç, pika 4, ku thuhet: “Për çdo vend vakant votohet për secilin nga kandidatët e renditur në tre vendet e para të listës. Kandidati që merr tri të pestat e votave të gjyqtarëve të pranishëm shpallet i zgjedhur. Nëse nuk arrihet shumica e nevojshme, kandidati i renditur i pari nga Këshilli i Emërimeve në Drejtësi konsiderohet i zgjedhur”, komisioni deklaroi fituese kandidaten Holta Zaçaj.

Në këto kushte, Mbledhja e Posaçme e gjyqtarëve vendosi që znj. Holta Zaçaj zgjidhet anëtare e Gjykatës Kushtetuese", njofton Gjykata e Lartë./CNA.al





Lajmet e fundit nga