E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Dëmet pas tërmetit/ Flasin për CNA, administratorët e Njësive Xibër dhe Suç: Nuk ka rreziqe, jemi në terren

16 Janar 2023, 09:07, Aktualitet CNA

Dëmet pas tërmetit/ Flasin për CNA, administratorët e

Foto ilustruese

Në Bashkinë e Klosit është mbledhur sot Shtabi i Emergjencave për të vlerësuar situatën pas tërmetit të mbrëmjes së kaluar.

Në një pronocim për CNA.al, administratori i Njësisë, Xibër, Elton Dalliu, ka dhënë informacione të detajuara mbi situatën në këtë zonë.

Ai është shprehur se deri në këto momente në Njësinë Xibër, ka rreth 30 raportime për dëme.

Zoti Dalliu ka theksuar se nuk bëhet fjalë për dëme të rrezikshme dhe se menjëherë pas tërmetit janë marrë masat duke ngritur grupet e punës dhe punonjësit e Njësisë, Bashkisë, kryetarët e fshatrave.

Ai bën me dije se nuk ka rreziqe për shembje, por është raportuar për plasaritje të mureve.

“Nuk ka rreziqe. Kemi rreth 30 raportime në njësi. Nga momenti kemi qenë në terren gjithë natën dhe nuk ka rrezik serioz, shembje. Ka plasaritje. Janë ngritur grupet e Punës, është ngritur Shtabi i Emergjencave, kryetarët e fshatrave dhe punonjësit e Njësisë dhe Bashkisë, të gjithë janë në terren. Do të verifikojmë të gjitha raportimet”, është shprehur zoti Dalliu.

I pyetur për shkallën e dëmtimeve të banesave, zoti Dalliu është shprehur se: “Nuk ka dëmtime të papranueshme. Ka disa raste të shtëpive që kanë qenë të pabanueshme nga tërmeti i nëntorit, dhe ato familje trajtohen me bonus qiraje. Grupet e Punës janë të gjithë në terren. Deri më tani kemi 30 raste të raportuara për dëme”, ka thënë Dalliu për CNA.al.

Gjithashtu administratori i Njësisë Suç, Moisi Jazi, ka dhënë informacione për CNA.al, duke thënë se nuk ka dëmtime të rënda dhe se së bashku me grupin e punës janë në gatishmëri për verifikimin e ankesave të marra deri më tani pas lëkundjes së tërmetit, mbrëmjen e kaluar.

“Deri në këto momente në kontaktet me drejtorët e shkollave, kryetarët e fshatrave edhe banorët e zonës dëmtime të rënda nuk ka. Së bashku me grupin e punës jemi në kontakt dhe në gatishmëri për verifikimin e ankesave”, është shprehur për CNA.al Moisi Jazi./ CNA.al