web counter
LEXO PA REKLAMA!

SHKARKO APP

App Store
Google Play

E fundit!

x

"Për çfarë feston sot PS"/ Denoncimi i Besart Xhaferrit, akuza për Veliajn

15 Janar 2023, 14:36, Aktualitet CNA
"Për çfarë feston sot PS"/ Denoncimi i Besart
Kreu i FRPD-së, Besart Xhaferri

Kreu i FRPD-së, Besart Xhaferri, ka reaguar pas deklaratave të kryebashkiakut Erion Veliaj sot gjatë ceremonisë së 31-vjetorit të FRESSH.

Xhaferri ironizon Veliajn dhe PS duke shkruar se sot po festohet për largimin e mijëra të rinjve që kanë braktisur vendin për shkak të varfërisë, apo ata që largohen me gomone duke rrezikuar jetën e tyre.

“Me rastin e 31 vjetorit të FRESSH:Për cfarë feston PS?Për qindra mijëra të rinj që kanë braktisur vendin nga varfëria?Për mijëra të rinjtë që rrezikojnë jetën e mbushin gomonet drejt Anglisë?Për ata të rinj që sot nuk krijojnë familje se u duhen 64 vite për të blerë shtëpi?Për të rinjtë që braktisin universitetet, se nuk kanë të ardhme?”, shkruan Xhaferri.

Më tej kreu i FRPD-së, jep mesazhin se rinia shqiptare nuk është vetëm ajo virtuale, me Dj e patronazhistë por të rinjtë duan shpresë për të jetuar të lirë, të mirëpaguar dhe me dinjitet.

“Rinia Shqiptare nuk është vetëm ajo virtuale me DJ e patronazhistë, nuk është ajo e familjeve të administratës që kërcënohet e shantazhohet me bukën e gojës. Rinia shqiptare do shpresë për të jetuar e lirë e mirëpaguar e me dinjitet”, ka vijuar Xhaferri.

Gjithashtu ka publikuar një mesazh, ku tregon se të rinjtë në shkolla janë detyruar të shkojnë në ceremoninë për 31-vjetorin e FRESSSH.

“Në përfundim të fjalës së tij, Veliaj ju rikujton se sa i rëndësishëm është aplikacioni "Aktivisti"! Asgjë më pak se një përforcim i shantazhit të hapur që qarkullon në Administratë se nëse nuk kapin 1000 pikë, do pushohen nga puna!Miq të rinj Socialist!Veliaj nuk është modeli, por arsyeja pse shokët, shoqet, motrat dhe vëllezërit po ju largohen dita ditës!Dhe si përfundim, studioni dhe nuk ju ngel njeri në Maturë!”, e përmbyll postimin e tij Besart Xhaferri./ CNA.al

"Për çfarë feston sot PS"/ Denoncimi i Besart





Lajmet e fundit nga