web counter
LEXO PA REKLAMA!

SHKARKO APP

App Store
Google Play

E fundit!

x

“Zullumet janë të pafundme”/ Lorenc Vangjeli: Mëkatarët janë në mazhorancë

14 Janar 2023, 09:31, Aktualitet CNA

“Zullumet janë të pafundme”/ Lorenc Vangjeli:

Anasliti Lorenc Vangjeli ka komentuar pritshmëritë e qytetarëve nga SPAK-u.

Në emisionin “Arnautistan” në MCN Tv, ai ka bërë një analizë në afatin kohor prej 30 vitesh.

“Dëshpërimi zakonisht është armë e fuqishme e individit i cili has padrejtësitë, atë që e konsideron si jomorale, që konsideron si të dëmshme kontrastet gjithmonë e më të theksuara, në një shoqëri gjithnjë e më të dëshpëruar si Shqipëria, që herë i vënë emrin SPAK, herë i vënë emrin Zot, është një nevojë e brendshme, që edhe nuk ekziston shoqëria rreket ta krijojë.

Zullumi dobësohet, litari kur trashet bëhet më i fortë. Zullumet janë të pafundme, mëkatarët janë të pafund dhe janë në mazhorancë, për shkak se bëjnë më shumë zhurmë, janë më të dukshëm”, ka thënë Vangjeli.

Por sipas tij, në 30 vjet, progresi ynë është fantastik, është i jashtëzakonshëm. Edhe pse mund të ketë shumë balle të vrenjtur nga kjo që them.

“Ngjan sikur nga dje ne kemi trashëguar një Zvicër me det dhe me diell dhe ne kemi tentuar ta shkatërrojmë. Krahasimi me të shkuarën është i jashtëzakonshëm, progresi është i jashtëzakonshëm.

Por ne nuk ditëm të mësojmë as nga eksperienca dhe as nga gabimet e së shkuarës.

Sikur ata që na kanë qeverisur të silleshin si shërbenjës, ky vend do ishte pafundësisht më mirë. Dhe kjo është drama jonë më e madhe”, është shprehur më tej ai./CNA.al





Lajmet e fundit nga