LEXO PA REKLAMA!

SHKARKO APP

E fundit!

x

Rilindja urbane, në veprim/ Nga Korça në Tiranë "hapet" thesi i lejeve të ndërtimit

13 Janar 2023, 14:41, Aktualitet CNA

Rilindja urbane, në veprim/ Nga Korça në Tiranë

Korça ëstë kthyer në një nga destinacionet më te preferuara, jo vetëm për vendasit, por edhe për turistët e huaj.

Në raste festash, prenotimet janë të shumta dhe nuk gjen vend nëse nuk janë marrë masat më herët.

Por bashkë me dëshirën e qytetarëve për të kaluar fundjavën, pushimet apo festat në Korçë dhe rrethinat e saj, është rritur edhe nevoja për ndërtimin e hoteleve.

Gjatë 2018-2021 gati 27% lejeve për hoteleri në rang vendi u dhanë në Korçë.

Ndërsa në Korçë janë dhënë më shumë leje ndërtimi për hoteleri, Tirana, e cila kryeson për numrin e lejeve të ndërtimit, është përqëndruar te qendrat tregtare dhe zyrat.

Gjatë 4 viteve, në të gjithë vendin janë miratuar gjithsej 4.645 leje ndërtimi për ndërtesa të reja, mesatarisht rreth 1.161 leje të miratuara për çdo vit.

Numri më i lartë i lejeve të ndërtimit të miratuara në periudhën 2018-2021, paraqitet në Tiranë me 1.490 leje.

Gjatë vitit 2021, Qarku i Tiranës shënoi rritjen vjetore më të lartë në numrin e lejeve të miratura për “Ndërtesa tregtare” me 85,7%. Qarqet Fier dhe Durrës paraqiten me numrin më të lartë të lejeve të miratuara për “Ndërtesa të tjera” me përkatësisht 23 dhe 17 leje të miratuara gjithsej, ose rreth 45,5% e lejeve të miratuara të këtij treguesi në Shqipëri gjatë vitit 2021./CNA.al

 

 

Lajmet e fundit nga