web counter
LEXO PA REKLAMA!

SHKARKO APP

App Store
Google Play

Akuza për “falsifikim dokumentesh” dhe “deklarim të rremë pasurie”/ Apeli shpall të pafajshme anëtaren e KPK-së

12 Janar 2023, 15:40, Aktualitet CNA

Akuza për “falsifikim dokumentesh” dhe “deklarim të

Gjykata e Posaçme e Apelit ka shpallur të pafajshne, anëtaren e KPK, Etleda Çiftën, e cila akuzohej për “falsifikim dokumentesh” dhe “deklarim të rremë pasurie”.

GJKKO me anë të një njoftimi shprehet se Çiftja është shpallur e pafajshme për të dyja akuzat, duke lënë në fuqi vendimin e shkallës së parë.

Vendimi i gjykatës së shkallës së parë dhënë më 16 shtator të vitit të kaluar shpalli të pafajshme Çiftën përkundër akuzave që rëndonin ndaj saj për deklarim të rremë të pasurisë dhe falsifikim të dokumenteve.

Pas vendimit të shkallës së parë, SPAK e ankimoi duke kërkuar dënimin me një vit burg, konvertuar në shërbim prove.

"Gjykata e Posaçmee Apelit për Korrupsionin dhe Krimin e Organizuar, me trup gjykues të përbërë nga gjyqtarët Miliana Muça (kryesuese), Igerta Hysi (anëtare) dhe Daniela Shirka  (anëtare), sot më datë12.01.2023, përfundoi shqyrtimin e çështjes së regjistruar me nr. 73 akti, datë17.10.2022, mbi ankimin eparaqitur nga Prokuroria e Posaçme kundër Korrupsionit dhe Krimit të Organizuar, kundër vendimit nr.48, datë 16.09.2022të Gjykatës së Posaçme të Shkallës së Parë përKorrupsionin dhe Krimin e Organizuar që ka vendosur:

“Deklarimin e pafajshëm të të pandehurës Ç, për kryerjen e veprës penale 'Falsifikim i dokumenteve' parashikuar nga neni 186/1 i Kodit Penal, pasi fakti nuk përbën vepër penale.
Deklarimin e pafajshëm të të pandehurës Ç, për kryerjen e veprës penale “Refuzimi për deklarimin, mosdeklarimi, fshehja ose deklarimi i rremë i pasurive të personave të zgjedhur dhe nëpunësve publikë” parashikuar nga neni 257/a/2 i Kodit Penal, pasi fakti nuk përbën vepër penale.
Në përfundim, Gjykata e Posaçme e Apelit për Korrupsionin dhe Krimin e Organizuar vendosi:

-Lënien në fuqi të vendimit nr.48, datë 16.09.2022të Gjykatës së Posaçme të Shkallës së Parë për Korrupsionin dhe Krimin e Organizuar", shkruhet në njoftimin e gjykatës./ CNA.al





Lajmet e fundit nga