web counter
LEXO PA REKLAMA!

SHKARKO APP

App Store
Google Play

E fundit!

x

Kushi e pranon: Nuk i përmbushim 100 % nevojat për mësues ndihmës

12 Janar 2023, 11:18, Aktualitet CNA
Kushi e pranon: Nuk i përmbushim 100 % nevojat për mësues
Ministrja e Arsimit Evis Kushi

Ministrja e Arsimit, Evis Kushi, ka renditur arritjet e vitit 2022 për arsimin duke thënë se po punohet për rritjen e numrit të mësuesve ndihmës për nxënësit me aftësi të kufizuara.

Kushi ka pranuar se ende nuk i kanë përmbushur 100 % nevojat, por shpreson që shumë shpejt mësuesit të jenë të gjithë të arsimuar me shërbim special.

“25 shkolla dhe ambiente sportive rikonstruktuam gjatë vitit 2022. Kemi 79 godina arsimore e kopshte të rindërtuara. Dua të përmend 12 shkollat e reja të Bashkisë së Tiranës që arritën të hapeshin dhe janë investime shumë të mira e me perspektivë për vetë rritjen. Kemi ndërhyrë gjatë vitit 2022 në të gjitha aspektet e cilësisë së shërbimeve arsimore. Kemi pasur vëmendje të shtuar për nxënësit me aftësi ndryshe gjatë vitit 2022, kemi rritur ndjeshëm numrin e mësuesve ndihmës që tashmë janë me profil të arsimit special. Në bashkëpunim me universitetet janë hapur programe të reja për mësues ndihmës për nxënës me aftësi ndryshe. Nuk i përmbushim 100% nevojat, por shpresojmë që shumë shpejt mësuesit të jenë të gjithë të arsimuar me shërbim special.

Qëllimi është edhe t’i kualifikojmë e trajnojmë që puna e tyre të jetë më cilësore. Kemi ndërhyrë edhe te punonjësit psiko-socialë që të jetë shërbim i standardizuar. Kemi 880 punonjës psiko-socialë. Ka ndërgjegjësim të rritur nga nxënësit dhe prindërit për cilësinë e këtij shërbimi.

Jam krenare që këtë vit hapëm shkollën e mesme për nxënësit që nuk dëgjojnë. Edhe abetarja e përbashkët unike është punë e bërë me shumë përkushtim”, tha Kushi./ CNA.al





Lajmet e fundit nga