web counter
LEXO PA REKLAMA!

SHKARKO APP

App Store
Google Play

E fundit!

x

Mediu kritikon mediat/ Boll u sulët si hienat mbi kërmat

11 Janar 2023, 22:16, Aktualitet CNA
Mediu kritikon mediat/ Boll u sulët si hienat mbi kërmat
Kreu i Partisë Republikane, Fatmir Mediu

Kreu i Partisë Republikane, Fatmir Mediu, është pyetur mbrëmjen e sotme në lidhje me arrestimin e Sekretarit të Përgjithshëm të Ministrisë së Financave, Arlind Gjokutaj, drejtorit të personelit Fatmir Hoxha dhe përmbaruesi Alban Ruli, të cilët akuzohen se kanë ndihmuar një biznesmen të përfitojë nga të mëdha nga rimbursimi.

Mediu reagoi me tone të ashpra ndaj mediave për këtë ngjarje, teksa tha se duhet të ndalojnë së sjelluri si hienat mbi kërmat.

Ai deklaroi se lajmet në media nuk i shërbejnë transparencës, pasi theksoi se përfundimet e Prokurorisë nuk janë vendim.

“Unë i kam në kurriz këto që them dhe gjysmë të vërtetat nuk janë gjithmonë të vërteta. S’e njoh Gjokutajn, kam njohur të atin që ka punuar në KQZ, por boll duke u sulur si hienat mbi kërmat. Kjo lloj lufte që po bëhet nuk i shërben asnjëherë transparencës. Përfundimet e Prokurorisë nuk janë vendim, gjykata jep vendim, vetëm në kohën e Enverit s’kishte avokatë. Këtu nuk ka më as kod penal as kod të procedurës penale, ka vetëm agjitacion dhe  propagandë”, theksoi ai./. B.A. – CNA.al





Lajmet e fundit nga