web counter
LEXO PA REKLAMA!

SHKARKO APP

App Store
Google Play

E fundit!

x

“U lumturua me 7 apartamente”/ Berisha: Rasti Dobi-Klosi, nxori llumin qeveritar

11 Janar 2023, 14:00, Aktualitet CNA
“U lumturua me 7 apartamente”/ Berisha: Rasti Dobi-Klosi, nxori
Kreu i PD-së, Sali Berisha

Kreu i PD-së, Sali Berisha, është rikthyer sërish me deklaratat e tij në rrjetet sociale, pasi shpjegon se për arsye të gjendjes gripale ka pasur një ndërprerje të daljes së tij në publik.

Berisha ka komentuar rastin e pastrueses Rozeta Dobi dhe ish-zyrtares Alda Klosi duke thënë se është heqja e kapakut të një pusete të llumit qeveritar.

Kreu i PD-së është shprehur se ajo që i bën përshtypje është se si është e mundur që një njeri që vjen me një apartamet 40 m2 në Tiranë, lumturohet me 7 të tjera të tilla, pa llogaritur makinat, bizhutë.

“Nis me kënaqësi sot komunikimin direkt me ju, pas një ndërprerjeje të shkurtër për shkak të një gripi. Unë duke ju shprehur mirënjohjen për mbështetjen tuaj cilësore dhe shumë të rëndësishme, gjithashtu dua të shpreh besimin se ky vit do të jetë një vit i madh shprese, një vit në të cilin ne do realizojmë projektet tona në interesin tonë dhe të vendit.

Krahu tjetër është një kaos, është sot më i deskrituar se kurrë. Rasti i Rozeta Dobit, Alda Klosit është heqja e kapakut të një pusete, në të cilën vërshuan në të katërta anët gjirizet e llumit qeveritar. Në këtë kontekst ajo që bën më shumë përshtypje është se si ka mundësi një njeri që vjen me një apartamet 40 m2 në Tiranë, lumturohet me 7 të tjera të tilla, pa llogaritur makinat, bizhutë etj, etj. Por po kaq përshtypje të bën fakti se Edi Rama bëri gjithçka fillimisht të fshihte identitetin e Alda Klosit, pasi këtë kishte bërë në raste të tjera me sukses me ministrat e tij kur ishin vjedhur banesat si Gjiknuri apo flitet për Beqjan e Spiropalin e të tjerë”, shprehet Berisha.

Ndër të tjera, Berisha tha se sot do të nisë fushata për zgjedhjen e Këshilltarëve për Komunat dhe Bashkitë.

“Sidoqoftë ne sot jemi në një përpjekje të re, në fushatën për zgjedhjen e Këshilltarëve për Komunat dhe Bashkitë. Le të bëjmë gjithçka për të zgjedhur më të mirët në parlamentet lokale dhe nuk ka diskutim se më të mirët gjenden midis jush të dashur të rinj e të reja që ndiqni 'TikTok'-un.

Ndaj ju ftoj me guxim të merrni pjesë në këtë fushatë në të cilën ju do t’i bëni qytetet tona më të lira, më demokratike, më të bukura! Faleminderit dhe një herë një vit të mbarë!”, e mbylli deklaratën e tij Berisha./ CNA.al

@prof.dr.saliberisha

Një përshëndetje për të gjithë ju miq, në këtë fillim viti!

? original sound - Sali Berisha




Lajmet e fundit nga