web counter
LEXO PA REKLAMA!

SHKARKO APP

App Store
Google Play

2022-shi, "i nxirë" nga ngjarjet kriminale/ Çuçi e nis vitin me "premtime" për reformim të policisë

11 Janar 2023, 11:15, Aktualitet CNA
2022-shi, "i nxirë" nga ngjarjet kriminale/ Çuçi e
Ministri i Brendshëm Bledi Çuçi

Pas një sërë ngjarjesh kriminale në vend, ku të përfshirë kanë rezultuar edhe efektivë të policisë, sot në konferencën për mediat Ministri i Brendshëm Bledi Çuçi është shprehur se viti 2023 do të nisë me reformat në Policinë e Shtetit, duke theksuar atë të Policisë Kriminale.

Gjatë konferencës ku po bëhet edhe bilanci i vitit 2022 si dhe po tregohen prioritetet e vitit 2023, Çuçi ka deklaruar se policia kriminale do të shkëputet nga zinxhiri i krimeve të lehta dhe të fokusohet te krimet, duke u mbështetur te modelet perëndimore.

“Gjatë vitit 2022 mendoj se kemi bërë një hap goxha të rëndësishëm në reformimin e policsë së shtetit. Kemi arritur që në fund të vitit 2022 dhe në fillim të këtij viti ne të fillojmë një prej reformave më të qenësishme të policisë së Shtetit që është ajo e policisë kriminale.

Policia kriminale do të riorganizohet brenda vetes së saj dhe do të shkëputet nga zinxhiri i policisë kriminale krimet e lehta që kanë të bëjnë me sigurinë dhe rendin se me krimin në vend dhe duke u fokusuar në modelet ashtu si në modelet perëndimore”, shprehet Çuçi.

Kujtojmë se gjatë vitit të shkuar një nga ngjarjet më të mistershme që ende nuk është zgjidhur është ajo e zhdukjes së Ervis Martinaj, nga i cili prej datës 9 Gusht nuk ka patur asnjë gjurmë apo çfarë mund të ketë ndodhur me të.

Policia shpesh ka dalë në deklarata për media duke thënë se po piunohet për zgjidhjen e enigmës, po ende vijon misteri.

Një tjetër ngjarje kriminale që tronditi opinionin publik ishte masakra në Fushë Krujë, ku mbeti i vrarë Brilant Martinaj, kushëriri i parë i Ervis Martinajt, Diklen Vata dhe Besmir Hoxha.

Një tjetër krim tronditës ishte hedhja në erë e Aleksandër Sadikajt, në afërsi të TEG-ut. Këto janë vetëm disa nga krimet që “nxinë” vitin 2022./ CNA.al

 





Lajmet e fundit nga