web counter
LEXO PA REKLAMA!

SHKARKO APP

App Store
Google Play

E fundit!

x

Mediu, në SPAK për çështjen e Gërdecit/ Avokati: Drejtësia po kërkon të bëjë 'kokë turku'

10 Janar 2023, 22:06, Aktualitet CNA
Mediu, në SPAK për çështjen e Gërdecit/ Avokati:
Fatmir Mediu

Avokati Jordan Daci ka komentuar paraqitjen e kreut të Partisë Republikane, Fatmir Mediu, në SPAK, ku iu komunikua akuza në lidhje me çështjen e Gërdecit.

Avokati tha në emisionin e Eni Vasilit se drejtësia e vonuar nuk i shërben askujt, ndërsa pretendon se në këtë rast kërkon vetëm të bëjë "kokë turku".

Sipas tij, sido që të dalë gjykimi për çështjen e Gërdecit, shoqëria nuk përfiton asgjë.

“Zotin Mediu e njoh personalisht, ka një kontribut që duhet vlerësuar. Kjo është një çështje që paraqet shumë probleme. Ka probleme parashkrimi, ka ngarkesë politike dhe njerëzore. Sistemi ynë i drejtësisë ndodhet në një situatë ku shumë gjëra po rishkruhen e po ribëhen dhe ky mund të jetë edhe fati i keq i zotit Mediu por nuk është i favorizuar. Ministrin e Mbrojtjes e kemi drejtues të Forcave të Armatosura kur nuk ka luftë, por nuk kemi pasur ministra me background ushtarak.

Mediu me këto akuza rrezikon shumë se akuza bazohet në kodin penal ushtarak jo civil. Parashikohet minimumi 3 deri në 8 vite burg. ndërsa në civil do ishte 20 ditë deri në 7 vite. Gjykata duhet të ketë maturi. Duhet drejtësi, por drejtësi në kurriz të të drejtave të një shtetasi nuk i shërben askujt. Drejtësi kur nuk jepet në kohën e duhur nuk ka asnjë vlerë, kërkon vetëm të bëjë një koka turku. Nga ky gjykim, sido të dalë, shoqëria nuk përfiton asgjë. Është vendim pas 15 vitesh, efekti në shoqëri do jetë zero. Viktimat janë bërë burra e gra, ngjarja është harruar, gjithçka është rehabilituar”, theksoi ai./ B.A. – CNA.al





Lajmet e fundit nga