web counter
LEXO PA REKLAMA!

SHKARKO APP

App Store
Google Play

E fundit!

x

Denoncimet e PD-së për rrugën "Xhon Belushi"/ Flet Erion Veliaj: Asfalti nuk është socialist, as demokrat

10 Janar 2023, 14:36, Aktualitet CNA
Denoncimet e PD-së për rrugën "Xhon Belushi"/ Flet
Foto ilustruese

Prej ditësh, Partia Demokratike ka denoncuar se ndërtimi i rrugës "Xhon Belushi" ka nisur pa u shpallur fituesi i tenderit, duke akuzuar kryebashkiakun Erion Veliaj për vjedhje.

Veliaj, ka reaguar sot teksa ka inspektuar punimet që janë bërë deri më tani në lagjen "5 Maji" ku thotë se janë gati rreth 150 apartamente për familjet.

Kreu i Bashkisë Tiranë u ka bërë thirrje banorëve që të kenë besim pasi kush bllokon projektet nuk ka parë ndonjëherë hajër.

“Asfalti nuk është as socialist, as demokrat. Kur shtrohet ua bën mbarë rrugën të gjithëve, u rritet vlera e pronës”, ka thënë Veliaj.

 “Thirrja për banorët është: Kini besim! Bashkëpunoni me skuadrën tonë që po shërben, disa në ndërtim, disa te njësia, disa duke bërë supervizimin dhe inxhinierinë, sepse vetëm kur bashkëpunojmë mund të ecim përpara. Kush bllokon nuk ka parë ndonjëherë hajër. U bllokua Astiri tri vite, i lanë njerëzit aty në rrugë. Rruga u bë. Ne i sistemuam, ndërkohë që ata shkuan të kapin një viktimë tjetër. Më në fund kemi 150 apartamente të reja që do të hedhim shortin tani dhe vetëm vonuan ata militantë që besonin te një parti që bllokon punët. Bënë të njëjtën gjë tek rr. 'Xhon Belushi'. Kot! Vetëm vonuan tri ditë një punë që është duke mbaruar dhe që i ka dhënë jetë, i ka rritur vlerën pronës, të gjithë asaj lagjeje. Asfalti nuk është as socialist, as demokrat. Kur shtrohet ua bën mbarë rrugën të gjithëve, u rritet vlera e pronës”, është shprehur më tej kryetari i bashkisë Erion Veliaj./ CNA.al





Lajmet e fundit nga