E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Nga gërmadhat e Kombinatit të sheqerit në një fabrikë dhe restorant modern peshku/ Luca prezanton investimin spektakolar në Maliq

9 Janar 2023, 19:21, Aktualitet CNA

Nga gërmadhat e Kombinatit të sheqerit në një fabrikë

"Fish City" në Maliq

Biznesmeni dhe sipërmarrësi Gjergj Luca ka prezantuar një investim spektakolar që pritet t’i japë rritme të larta ndryshimi qytezës të Maliqit.

Ish-Kombinati i sheqerit në Maliq, tashmë është shembulli kur mbi rrënoja ngritet zhvillimi. Disa gërmadha janë kthyer në një qytezë moderne, me ambiente spektakolare, ku jo vetëm mund të hash mirë dhe shëndetshëm, por edhe mund të argëtohesh në një hapësirë fantastike, ku bashkangjitet dhe arti.

Gjergj Luca ka krijuar një tjetër “Fish City”, ku nuk mungon sarkazma duke filluar që nga “Porta e Nastradinit” e deri te ylli komunist.

Gjithashtu biznesmeni është kujdesur që në këtë qytezë të japë edhe mesazhe të forta për paqen me një flamur me gjethen e ullirit.

Në videon e mëposhtme, sipërmarrësi zbulon edhe projektin madhështor të radhës në Maliq për ndërtimin e një Lungo Fiume-je nga ura pranë “Fish City”-t deri te pylli i Fazanit, duke i dhënë jetë të gjithë zonës.

Por ky investim madhështor nuk përfundon me kaq. Luca zbulon gjithashtu armën më të fortë të Rozafës, ambientet ku do të prodhohet sushi direkt. Për herë të parë tregon ndjekjen e produktit që kur kapet peshku në det e deri te gatimi dhe freskia e pjatave plot ngjyra dhe shije.

Restoranti modern me ambiente mahnitëse pritet të jetë një nga restorantet me çmimet më konkuruese, me oferta pafund.

Gatimet do të jenë të shumëllojshme dhe nga më të veçantat, që nga lakrori me ton, deri te pastat, krudot, sallatërat, prodhimet e zgarës dhe sushit.

E veçanta është se të gjithë klientët do të mund të shohin se si gatuhet sushi live, duke treguar forcën nga deti direkt në tavolinë.

Gjergj Luca premton se do të ndërtojë një kënd spektakolar për fëmijët dhe do t’i japë jetë jo vetëm fabrikës, por të gjithë zonës me restorantin, me eventet, me punësimin e banorëve të zonës, çka pritet të sjellë një ndryshim rrënjësor në një Maliq që fle herët, por tashmë me Fish City-n do të duhet të ketë aktivitet dhe një ambient plot ritëm, plot ngjyra siç është Rozafa.

Biznesmeni zbulon se kjo qytezë fantastike do të hapë dyert nga nesër. Për më shumë argëtim, për të ndjerë freskinë e detit dhe për të shijuar ushqimet më të veçanta, çdokush mund të shkojë nga neës në “Fish City” në Maliq./ CNA.al