E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Nuk e kam takuar kurrë Spartak Dobin”/ Ulsi Manja i reagon bashkëshortit të pastrueses që grabiti milionat

9 Janar 2023, 10:21, Aktualitet CNA

“Nuk e kam takuar kurrë Spartak Dobin”/ Ulsi Manja i reagon

Ministri i Drejtësisë Ulsi Manja, ka reaguar pas deklaratës së bashkëshortit të pastrueses, Rozeta Dobi.

Spartak Dobi një ditë më parë ka filur publikisht për ngjarjen ku është e përfshirë bashkëshortja dhe djali i tij, dhe ndër të tjera ka përmendur edhe emrin e Ministrit të Drejtësisë, Ulsi Manja.

Sot, Ministri i Drejtësisë, ka thënë se Spartak Dobi e ka shpikur takimin që ai pretendon se kanë pasur bashkë.

Sipas Manjas, gjendja psikologjike e një pensionisti që vuan arrestimin e djalit dhe gruas mund të kuptohet por është e pajustifikueshme përdorimi që i bëhet këtij personi nga media për qëllime kryekëput politike.

“E vërteta është se unë kurrë nuk jam takuar me Spartak Dobin. Madje as nuk e njoh këtë person, as familjarët e tij. Sikurse unë kurrë nuk kam punuar në Bashkinë e Tiranës, pavarësisht pretendimeve të personit në fjalë”, ka shkruar Manja në rrjete sociale.

Reagimi i plotë i Ministrit të Drejtësisë

Mbrëmjen e djeshme u njoha me një intervistë të dhënë nga bashkëshorti dhe babai i dy të akuzuarve për vjedhjen e një shume parash në Tiranë.

Kushdo që do ta shihte atë intervistë do e kuptonte lehtësisht gjendjen e rënduar të personit të intervistuar.

Dua të besoj se ishte pikërisht kjo gjendje e rënduar arsyeja që e ka shtyrë zotin Dobi të shpikë edhe takimin me mua, apo dialogun imagjinar që paskemi patur me njëri-tjetrin. Por teksa gjendja psikologjike e një pensionisti që vuan arrestimin e djalit dhe gruas mund të kuptohet, është e pajustifikueshme përdorimi që i bëhet këtij personi nga media për qëllime kryekëput politike.

E vërteta është se unë kurrë nuk jam takuar me Spartak Dobin. Madje as nuk e njoh këtë person, as familjarët e tij. Sikurse unë kurrë nuk kam punuar në Bashkinë e Tiranës, pavarësisht pretendimeve të personit në fjalë.

Si Ministër i Drejtësisë, unë mbështes plotësisht hetimet e organeve përgjegjëse dhe inkurajoj zbardhjen e plotë të ngjarjes dhe dënimin e fajtorëve./CNA.al