E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Prokuroria duhet të hapë të gjitha dosjet ku ka firmosur Alda Klosi

8 Janar 2023, 14:43, Aktualitet CNA

Prokuroria duhet të hapë të gjitha dosjet ku ka firmosur Alda

Foto ilustruese

Alda Klosi është zyrtarja e tenderëve, së cilës në dhjetor iu vodh shtëpia nga pastruesja. Denoncimi në polici është bërë nga Alda Klosi.

Deri tani në shtëpinë e ish-pastrueses, janë gjetur cash më shumë se 550.000 euro.

Pa përmendur makinat e shtrenjta dhe shpenzimet për jetesën luksoze të pastrueses më të pasur të botës dhe djalit të saj fatlum.

Prokuroria duhet të verifikojë se kujt i përkisnin shumat e eurove përpara se të vidheshin. Në cilat shtëpi punonte pastruesja e famshme, edhe pse nuk kishte denoncime nga të tjerët, por vetëm nga Alda Klosi?

Prokuroria duhet të hapë të gjitha dosjet ku ka firmosur Alda

Dyshimi i arsyeshëm të bën të besosh se pastruesja e famshme, dinte ku vidhte.

Me sa duket shumat i grabiste në shtëpi personash, të cilët e dinte paraprakisht se nuk mund të bënin denoncim.

Sa i takon shumës së gjetur në banesën e pastrueses milionere, edhe nëse vetëm një e dhjeta u takon shumave të vjedhura në shtëpinë e Alda Klosit, atëherë duhet verifikuar burimi i atyre shumave.

Alda Klosi banonte në apartament me qira te rruga e Kosovarëve.

Alda Klosi kudo ku ka punuar është marrë me praktika prokurimesh, koncesionesh dhe PPP-sh të famshme.

Nga Ministria e Ekonomisë e deri tek Autoriteti i Mbikqyrjes Financiare, prokuroria duhet të hapë dhe të shqyrtojë çuditë e praktikave ku firmoste Alda Klosi.

Shtëpia e Alda Klosit ku pastruesja Rozeta Dobi thuhet se vodhi rreth 120 mijë euro, të cilat u sekuestruan ditën e djeshme gjatë një aksioni të Policisë së Tiranës, është vetëm një nga shtëpitë.

Kemi vetëm një denoncuese: Alda Klosin? Apo Alda Klosi është adresa e dhënë nga pastruesja për të pastruar të tjerë më të rëndësishëm sesa Alda?

Kujt i përkasin 450.000 eurot e tjera?

Cilët janë pronarët e tjerë denoncues?

Dje, policia i sekuestroi 120 mijë euro, ndërsa sot gjatë kontrollit në banesën e sanitares u gjetën edhe 400 mijë euro të tjera fshehura te tubi i aspirimit.

Në polici nënë e bir kanë pranuar se 80 mijë euro i kanë marrë vetëm në një banesë të vetme. Kujt i përket ajo banesë?

Cilat janë banesat e tjera?

Presim të shikojmë e të kuptojmë çfarë po fsheh policia dhe çfarë do bëjë me sikur Prokuroria!/ CNA.al