E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Nga siguria kibernetike te projektet për modernizimin e Forcave Ajrore/ Peleshi rendit objektivat për vitin 2023

8 Janar 2023, 12:31, Aktualitet CNA

Nga siguria kibernetike te projektet për modernizimin e Forcave Ajrore/

Ministri i Mbrojtjes Niko Peleshi

Ministri i Mbrojtjes, Niko Peleshi, në konferencën për shtyp ka folur për arritjet në vitin 2022 si dhe ka zbuluar objektivat dhe projektet për vitin 2023.

Peleshi ka deklaruar se në vitin 2023 do të nisin punimet për kampusin e ri të AFA. Gjithashtu ka bërë me dije se, Kolegji i Mbrojtjes do të konsolidohet si strukturë e re.

“Do të nisin punimet për Kampusin e ri të AFA. Kolegji i Mbrojtjes do të konsolidohet si strukturë e re. Do të licencohen tri programe të reja 4-vjeçare sipas modelit West Point për 2023-2024. Fuqizojmë Masterin Profesional në Siguri Kibernetike, hapim Qendrën e Inovacionit”, është shprehur Peleshi.

Gjithashtu ka folur për partneritetin strategjik me SHBA-në, ku tha se Qendra Operacionale e NJUSK do të fillojë punën në shtator të vitit 2023.

“Në shtator të vitit 2023 fillon punën Qendra Operacionale e NJUSK. Në 2023-shin anëtarësohemi në Qendrën e Ekselencës së Bashkëpunimit dhe Sigurisë Kibernetike të NATO-s. Në 2023-shin rrisim me 7% pagat për personelin ushtarak të FARSH. Zyra të reja moderne rekrutimi, aktivizohen elementët e parë rezervistë për operacione në ndihmë të komunitetit. Do të implementohet Paketa Sociale për ushtarakët. Do të ngrihet laboratori i analizave dhe klinika dentare për personelin e FARSH. Rrisim kontributin e Forcave të Armatosura në misione jashtë vendit ( KFOR, OKB etj). Të angazhuar të shtojmë mbështetjen materiale dhe politike për Ukrainën”, tha Peleshi.

Ndërsa më tej ka renditur projektet që do të zhvillojë në vitin 2023.

-Kontrata të reja mirëmbajtjeje nëpërmjet NSPA për 3 helikopterë COUGAR dhe 2 helikopterë EC

-Kompletimi me pajisje moderne individuale dhe kolektive i reparteve të deklaruara në NATO

-Vihet në funksion Qendra e simulimit me armët e këmbësorisë

-Në 2023, 7 projekte modernizimi për Forcën Ajrore

-Zhvillimi i projektit të komponentit ushtarak në Portin e ri të Durrësit sipas kërkesave të NATO-s

-Partneriteti strategjik me SHBA-në, mirëpresim zhvillimin e stërvitjes “Defender 2023”

-Do të ndërtohet Sistemi i Integruar i Menaxhimit të Situatave të Emergjencave Civile

-FA në ndihmë të komunitetit me 172 m linear ura “bailey”, operacione kërkim- shpëtimi dhe emergjenca civile.

-Kompletim i strukturës me sportistë elitarë./ CNA.al