web counter
LEXO PA REKLAMA!

SHKARKO APP

App Store
Google Play

Krimi i Frida Krifcës dhe faktet që e akuzojnë

7 Janar 2023, 14:51, Aktualitet CNA

Krimi i Frida Krifcës dhe faktet që e akuzojnë

Ministrja e Bujqësisë, Frida Krifca, e mbylli vitin 2022 me gafën për prodhimin e vajit të ullirit.

Sipas saj, situata me mbipopullimin e sektorit të ullirit është situatë e përsëritur për shkak të shtimit të rrënjëve të ullirit të mbjella pa plan apo strategji.

“Kemi një prodhimtari të lartë të vajit të ullirit. Kemi pasur ndër vite mbimbjellje të rrënjëve të ullirit, të cilat janë mbjellë pa një strategji të qartë. Kemi rreth 10 milionë rrënjë ulliri”, është shprehur ministrja Frida Krifca.

Krimi i Frida Krifcës dhe faktet që e akuzojnë
Frida Krifca,Ministrja e Bujqësisë

Rrënjët e ullirit nuk janë pallate dhe kulla, por nëse duam t’i rikthejmë sytë nga bujqësia dhe prodhimi vendas, nuk është rasti për t’i kritikuar, por për t’i mbështetur.

Kur Krifca ka dështuar ta bëjë këtë gjë nxjerr lloj-lloj deklaratash skandaloze nga goja.

Ajo si Ministre Bujqësie dhe që paguhet për këtë gjë me taksat tona nuk është marrë me marketingun, asistencën e fabrikave që prodhojnë vajin e ullirit, apo me banorët e zonave që kanë mbjellë rrënjët e ullirit, të cilat zonja ministre kërkon t’i presë.

Krim nuk është vetëm kur vret një njeri, por edhe kur lë në mëshirë të fatit  bujqësinë dhe prodhimin vendas.

Dhe për këtë krim ka fakte që akuzojnë Frida Krifcën.

Deklaratë e ministres Krifca për vajin e ullirit, nga minuta 1.34

Faktet

I pari është informaliteti në fabrika. Pra, problemi më i madh është informaliteti në fabrikat e vajit dhe për ta menaxhuar mirë situatën duhej të merreshin masa që në muajin shtator.

Së dyti, është mungesa e kontrolleve reale të mallrave të importit. Ka shumë produkte importi, me çmim shumë të ulët dhe cilësi të dobët, jashtë standardit.

Së treti, restorantet që kanë një konsum shumë të lartë, marrim vaj grek jashtë standardit.

Në restorantet në Shqipëri përdoret 70-80 % vaj i importit, sepse nuk ka kontrolle, nuk bëhen analiza. AKU-ja në këtë pikë është dështim total.

Nëse do të kishte kontrolle këto vajra, të cilat merren me 2 euro në Greqi nuk do të pengonin shitjen e  produktit cilësorë vendase.

Së katërti, fakt është mungesa e subvencioneve për fermerët, të cilët kanë kosto të larta.

Fermerët sot kanë kosto të larta prodhimi, për arsye se nuk ka fuqi punëtore, dhe nuk ka subvencione për pajisjet e vjeljes, pasi terreni është i vështirë.

Produkti vendas është shumë cilësor, por me kosto të larta.

Pra, këto janë katër faktet që akuzojnë Ministren e Bujqësisë, Frida Krifca, e cila i ka lënë në mëshirë fermerët dhe prodhuesit e vajit të ullirit dhe që për më tepër, skandalin e vesh me skandal, ndërsa u kërkon prerjen e rrënjëve të ullinjve./CNA.al





Lajmet e fundit nga