web counter
LEXO PA REKLAMA!

SHKARKO APP

App Store
Google Play

E dedikuar pas ‘Akademisë së Çobenjve’ dhe ullirit/ Frida Krifca, e dyta në listën e ‘kuadrove’ të CNA.al

31 Dhjetor 2022, 14:48, Satire CNA
E dedikuar pas ‘Akademisë së Çobenjve’ dhe ullirit/
Frida Krifca

CNA.al ka vendosur sot që në datën 31 të shpallë kuadrot e vitit. Ata do të jenë nga fusha e politikës, e medias, aktivistë.

Do të jenë disa KUADRO.

CNA.al ka shpallur, pas rekomandimeve të dhënë nga audienca si ‘Kuadro i vitit’, në bashkëpunim me Shoqatën e Kontribuuesve Atdhetarë Refromatorë-Intelektualë, kuadron e dytë që i përket qeverisë, i përket mazhorancës së Rilindjes.

Ajo është Frida Krifca, ministrja jonë e Bujqësisë, ministrja e suksesshme, e cila në këtë vit ka qenë shembullore duke zbatuar ‘Akademinë e Çobenjve’ , një akademi me rezultate të shkëlqyera, ku të gjithë marrin 10-ta, dhe ajo drejtohet me shumë vullnet nga Frida Krifca, e cila së fundmi ka kërkuar që të presin edhe ullinjtë dhe nuk kemi ku t’i çojmë këtë vit.

Frida është një kuadro në rritje e partisë, megjithëse nuk ndan shumë me Lenka Çukon, mjelësen tonë të dalluar, por nga budallallëqet që thotë kur del në publik, ia kalon çdo kuadroje që ka pasur partia e punës dikur.

Për kontributet e saj të jashtëzakonshme përgjatë 2022, CNA.al shpall Frida Krifcën si ‘kuadron e çobenjve dhe ullirit’.

Pas kuadros së dytë, CNA.al do të publikojë më tej kuadrot e tjerë që kanë dhënë kontributet e tyre të vyera gjatë vitit 2022.

 





Lajmet e fundit nga