web counter
LEXO PA REKLAMA!

SHKARKO APP

App Store
Google Play

E fundit!

x

Kapter Fania shkruan libër

20 Qershor 2022, 11:50, Satire CNA
Kapter Fania shkruan libër
Foto ilustruese

I lindi kjo dëshirë kur mësoi se Rama ishte pasuruar aq shumë nga libri “Kurbani” sa kapteri shqeu sytë.

Mendoi që me aq reklamë sa do t'i bënte, do të shiste dhjetëra mijëra kopje. Do të çonte dhe nëpër botë. Iu duk vetja bos, me borxhe të shlyera dhe me pavione panairesh nëpër botë.

-Ti nuk shkruan dot as emrin tënd, more i zi, -i tha e shoqja.

U step. Në fakt edhe emrin e shkruante me gabime. Se mbiemrin asnjëherë nuk e çonte deri në fund ngaqë e kishte të gjatë dhe i lodhej lapsi. Po nuk hoqi dorë. Thirri Rakip Zarin e i dha urdhër:

-Brenda javës do të më shkruash ti një libër për mua.

Rakipi shqeu sytë. Po kapterin po ta kundërshtosh egërsohet si gjeneral. Ndaj, urtë e pyeti:

-Si t’ja vë titullin?

-“Bëmat e një kapteri”, -i tha Fania.

-E ç’do të shkruaj brenda?

-Do të shkruash ato që do të tregoj unë. Do të vish te zyra ime mëngjeseve. Unë do të flas e ti do të shkruash.

Kështu ndodhi ca javë. Rakipi mbante shënim bëmat. Kapteri tregonte emrat e shokëve kur mblidheshin te magazina, kur hapnin konserva, kur rrëkëllenin vodka e kur hidhnin valle brenda repartit.

Pas dy muajsh doli libri i Fanes. E çuan me vrap në librari. Pas një ore mori vetë kapteri në telefon shitësen:

-U shit ndonjë copë?

-As sytë nuk ia hedhin.

Heshti veç dy minuta. E gjeti zgjidhjen. Foli me shokun e tij të qarkullimit rrugor.

-Vëlla kur të vendosësh gjoba thuaju shoferëve ose të blenë një librin tim ose të paguajnë gjobën trefish.

Ai ia mbylli pa e dëgjuar. Por e ndihmoi Rakip Zari. Rri me thasët e librave dhe të gjithë që ftohen në studio duhet të blenë një libër, ndryshe mos të hyjnë te TV e Kapterit. Po ecin mirë shitjet tani.

-Shef edhe dhjetë vjet duhen e i shesim të gjitha,-i jep zemër Rakip Zari./CNA.al

 





Lajmet e fundit nga