web counter
LEXO PA REKLAMA!

SHKARKO APP

App Store
Google Play

E fundit!

x

Bibilushi mëson fshatarët si të marrin certifikata online

2 Maj 2022, 14:52, Satire CNA

Bibilushi mëson fshatarët si të marrin certifikatat online. Doli që në mëngjes te dera e vilës dhe vuri një karton te dera:

?Ndaj tapi, hipoteka, cerifikata, leje për gjueti thëllëzash, derri të egër, licenca për shpim pusesh, martesa, shitje plehrash kimike, fidanë bujqësorë, leje për ndërtim avllish, hapje dritaresh e rregullim çatish?.

U mblodhën njerëzit si mizat në mjaltë.

-Dua unë një certifikatë familjare, i tha Maksi, fqinji i tij.

Tak, fak shtypi Ben Dardha në kumpjuter e në ekran doli certifikata. E lexoi Maksi dhe ia bëri:

-Oj t?ëmën e s?ëmës sa lehtë qenka! Nuk ke nevojë të veç fare ndë Korçë.

-Korçën ua solla unë këtu, tha Bibi e mendja i shkoi te vjedhja.

-O Maks, po të vije në qytet do harxhoje 30 mijë lekë benzinë, dhjetë mijë dreka në këmbë, ca birra me shokë e ja të iku 50 mijshi. Aq para m?i jep mua e nuk lodhesh e as harxhon ditën.

Më keq e hëngri Sofo. Donte certifikatë pronësie për shtëpinë. Kishte një vit që bridhte zyrë më zyrë.

-Tre milionë kam harxhuar për hiçgjë.

-Më jep dy milionë mua e për dy minuta ta jap në dorë, i tha Beni.

-Të jap pesë veç ma nxirr ta shoh.

E tak fak e nxori në ekran. U shkul fshati e një arkë molle bosh Arbeni për gjysëm ore e mbushi me lekë.

Në një çast pushimi verifikoi hipotekën e tij. I doli ?Arben Arben Bilushi?.

-Po pse edhe babain Arben si veten tënde ta quajnë?, u çudit Vaska që ishte pranë kompjuterit.

Arbeni qeshi. Nuk foli. Iu kujtua këshilla e avokat Ngjelës para ca vitesh.

-Siç e ke zënë me inceneratorët do bësh goxha pasuri. Po që mos të ta prekë kush, vendos në gjendjen civile jo emrin e babait në mes, po emrin tënd. Pra bëje ?Arben Arben Bilushi?. Nuk ka prokurori në botë që i shkon mendja te ty.

Qeshi dhe një herë e tha me vete:

-Koqe,koqe ky Ngjela, por me raste e bën ndonjë koqe ve./CNA.al





Lajmet e fundit nga