web counter
LEXO PA REKLAMA!

SHKARKO APP

App Store
Google Play

E fundit!

x

Bibilushi çon në shtëpi një portret të Sali Berishës

13 Prill 2022, 18:23, Satire CNA

Kishte javë që kërkonte në galeri arti e dyqane të ndryshme. I ra cep më cep atdheut dhe në Krujë më në fund e gjeti. Portret me ngjyra. Sali i qeshur, i bukur, me kravatë blu dhe me sytë që i shkëlqejnë.

-Ja, ky më duhet. Se në shtëpi kam piktura me vlerë, të artistëve vendas e të huaj, deri ca origjinale të Vangjush Mios. Ca të vjedhura, ca të marra pa lekë, ca si gjoba, siç i bëj unë punët. Ky Saliu rri dinjitoz me to. E gjeta siç e doja,-u gëzua.

Pas pak mbërritën e shoqja, fëmijët dhe Ben Dardha qeshi kur ata njëzëri, sa panë pikturën, bërtitën:

-Sali Berisha është ky mo?! Te shtëpia jonë?

E shprehën hapur inatin, urrejtjen se kështu i pati edukuar, me mllef të egër ndaj Saliut.

-Merreni pakëz shtruar, -ia nisi Bibilushi.

-Berishën duhet ta duam më shumë se gjysh Dhimon. Ai na la ca libra, ca studime e ca dorëshkrime që unë i botova me emrin tim. Fitova shumë lekë, pastrova e ca të gjobave apo të kam bërë si ministër.

Ndërsa Saliu na la këtë shtëpi, na la paratë që kemi në bankë, na la pronat në Dardhë, postet që kam pasur e do të kem. Pa Saliun si do bëhesha unë drejtor TV, aty ku mbusha thasët me lekë plehrash.

Familjarët dëgjonin syshqyer ndërsa Benushi vazhdoi:

-Nëse nuk do punoja si sharës e shpifës ndaj Saliut, sot do isha më e shumta berber në Kamëz duke qethur p.sh Xhelal Mziun. Po fati më dha shansin t?i qepem këtij burri e të mos i ndahem për 30 vjet.

E 5 më duhen dhe kap pensionin si i punësuar i Berishës. Ndaj ta vendosim në bash të vendit këtë portret e ta falenderojmë që na pasuroi e na siguroi jetën për katër breza.

-Pastë ymër e shëndet!-uroi e shoqja.

-Amen!-u përgjigj në kor gjithë familja.





Lajmet e fundit nga