LEXO PA REKLAMA!

SHKARKO APP

UAU/ Zbulohet bomberi i Irfanit, po ja kalon dhe Lewandovskit

22 Janar 2022, 15:25, Satire Politike CNA
UAU/ Zbulohet bomberi i Irfanit, po ja kalon dhe Lewandovskit

Kur media kthehet në hallvë që gatuhet për orekset e familjes, apo përzihet me para interesash publike e korrupsioni, nuk ka më asnjë çudi.

Së fundi mediat e paguara nga incenertatorët, ato të të famshmit Irfan Hysenbelliu, dikur kapter ushtrie, sot na sjellin edhe një bomber në sport.

?Ndeshja e sotme u zgjidh në pjesën e dytë, teksa një perlë e kapitenit Fatmir Hysenbelliu, 7 minuta nga fundi?, thua çfarë ka ndodhur. Lewandovski i ri paska dalë në Shqipëri. Më pas del se andej nga fshatrat diku paska luajtur fansi i Pamit, çuni i Irfanit, gladiatori dhe goleadori. Ky duhet për presidenti i  FSHF jo Duka dhe Shakohoxha. Se ky ka dhe Pamin fanse, pas burrit të 5-të.

Dhe ku e gjeni ketë lajm, ja te gazeta sportive e Irfanit e cila na tregon se kur je pronar mediash mund të jesh golashënues famoz të bënjë qejfin kur deliron, si mbretit lakuriq, ose lajmi del edhe po s?ke bërë gol fare, le pastaj që s?ka rëndësi hiç se kampionati katundeve të qejfit bën kërdinë në auidiencë e cilësi.

Duket se e ardhmja e talentit Hysenbelliu është e ndritur, po xhelozon edhe Lewandovskin si bomber. Pritet që Murinjo të marrë njoftim për këtë bomber dhe së shpejti mund ta trajtojë edhe Roma, për ca kohë pas Dinamos. Mund të bëhet i famshëm si Roshi i Skënderbeut, thonë.

Fatmir Hysenbelliu, çuni i Irfanit, ky ish-lojtari i Totenhemi, që kur ishte i ri e linte në stol edhe kapitenin e Anglisë, Harry Kane-n, tashmë është duke shpërthyer me lagjen. /CNA.AL/

Lajmet e fundit nga