E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Bibilushi hap zyrë juridike në Dardhë

27 Prill 2022, 17:27, Satire CNA

Nga që nuk po i ecën me asnjë profesion, pa në ëndërr sikur mori diplomë juristi. E sa u gdhi, vendosi tabelë te dera. Jo si ato, shesim gozhdë, bojra, tenxhere, fshijmë magjira dhe bëjmë synetllëqe.

Arbeni e shkroi thjesht: “Jurist, specialist që themelon parti.?

I pari te zyra i trokiti Naim Çili.

-Dua të kem një parti timen që të bëhem faktor politik, tha ai.

-Ja tani, në vend, premtoi Bibilushi.

-Jo me firma fallco, siç e ke zakon, i bërtiti Çili.

-Me numër letër njoftimi, premtoi Bibilushi.

Me exel bëri një tabelë me 300 vende për firmë.

-Se 300 e ka ligji, i shpjegoi Çilit.

Pastaj doli në shesh të fshatit e bërtiti:

-O milet, këto ditë do të vijnë këpucë nga Amerika. Kush vë një firmë te kjo fleta, fiton një palë.

Kaq u desh dhe u derdhën fshatarët. Shkruanin emrin, mbiemrin, numrin e letërnjoftimit e firmosnin. Te kuadrati i fundit, pas firmës shënonin numrin e këmbës. Për gjysëm ore u krye gjithçka. Hynë te vila me Naimin. Arben Dardha grisi kuadratin e numrit të këmbës dhe në krye të fletës shënoi:

-LISTA E 300 NISMËTARËVE TË PARTISË.

Çili qante nga gëzimi.

-Ti Bibilush je gjeni. Dhe për inceneratorët nxitës ti paske qënë. I more më qafë të gjithë. Ata shkuan në burg, ti fle në vilë.

Arben Dardha krekosej si gjeli i Sofos që ia shkrep zë lart në tre të sabahut./CNA.al

Bibilushi kërkon të mësojë studentët e gazetarisë si të shpifin

Bibilushi bëhet fotograf

Bibilushi kërkon të bëhet prefekt i Korçës

Bibilushit iu ngrit mendja për President

Bibilushi i Dardhës hyn në fjalorin e Gjuhës Shqipe

Bibilushi thërret policinë në Dardhë

Bibilushi fut veten e tij në Kodin Rrugor të Republikës

Bibilushi do xhirojë filmin ?Beni vjedh vetë?