Bibilushi ka filluar të lexojë letërsi burgu

9 Maj 2022, 13:53, Satire CNA

Bibilushi lexon letërsi burgu. E zbuloi Ilia, fqinji i tij. Çdo javë troket postieri te vila në fshat me një pako të madhe në dorë.

-Më lodhi bre, ky Arbenka juaj, -i foli postieri.

-Po pse o? – e pyeti Ilia.

-Po e porosit pakon plumb të rëndë bre, sikur ka hekura brenda.

-Ej, mos ka kallashë vërtet se Arben Dardha është frikacak. Do na gjuajë dhe ne ndonjëherë se do nga ngatërrojë me qentë sallahanë, -u tremb Ilia.

Po e qetësoi postieri:

-Mos u frikëso byrazer, se libra porosit, libra.

Ilia nuk e besoi. Po postieri i nxori faturën.

-Ja, lexoje!-i tha.

Në faturë ishin shkruar:

1-Konti i Montekristos.

2-Arqipelagu Gulak.

3-Viti ?93.

4-Spaç 1970

Kishte dhe disa të tjera. Ndërsa postieri po qeshte se e qetësoi Ilian doli Bibi nga vila.Vuri firmën te fatura, mori pakon dhe nuk hyri brenda, po mori poshtë rrugëve të fshatit.

-Paska lajthitur,-i erdhi keq postierit kur e pa të përhumbur e të zbehtë.

-S?ka faj, ka hall të madh,-tha Ilia.

-Çfarë halli?

-Do e fusin në burg së shpejti.

-Kush ta tha?

-E thotë pakoja që ti solle,-foli Ilia.

-Ka filluar të lexojë letërsi burgu që të përshtatet me jetën atje. Me të folurën, rregullat, ushqimin, fjetjen dhe ndëshkimin kur gabon ndaj gardianit e ndaj të fortëve në qeli. E presin vite errësirë, s?ka faj.

Arbeni u kthye dhe vrik hyri në vilë duke e përplasur fort derën e rëndë prej hekuri të vilës që tani i dukej si porta e burgut 313.

-Do zoti e arrestojnë këtë javë se më lodhi. Kush vjen prapë deri këtu me pako librash që peshojnë sa unë me gruan bashku, -tha postieri e i hypi makinës së tij ngjyrë kanarine./CNA.al

“Bibilushi” kërkon të bëhet anëtar i Bordit të Bankës

Bibilushi nis luftën me Batonin

Bibilushi fillon shet libra te dera e Top Channel

Bibilushi e kthen vilën në hotel

Bibilushi mëson fshatarët si të marrin certifikata online

Bibilushi ‘dashuron’ numrin dy!

Bibilushi ka vendosur të mbjellë drogë

Bibilushi trondit Dardhën

Bibilushi i shkruan letër Ramës

Bibilushi hap zyrë juridike në Dardhë

Bibilushi kërkon të mësojë studentët e gazetarisë si të shpifin

Bibilushi bëhet fotograf