Plas në PD/ Duam Evin në protestë

3 Korrik 2022, 19:45, Satire Politike CNA
Plas në PD/ Duam Evin në protestë
Evi Kokalari

Një problematikë e madhe, një debat i ashpër ka filluar të ndodhë në PD. Kanë plasur fort. Demokratët kërkojnë që në datë 7, në orën 7, në protestë të jetë edhe Evis Kokalari, pasi kështu është regjistruar në Shqipëri kur ka lindur apo Evi Angelakis, pasi kështu quhet në Shtetet e Bashkuara të Amerikës.

Një konservatore e papërsëritshme, parimore, lobiste e paimagjinueshme. Demokratët, pas largimit të dishershëm të Kokalarit, kërkojnë largimin e saj. Në një letër, që po tenton të kthehet në peticion për kreun e PD-së, Sali Berisha, shkruhet se largimet e njëpasnjëshme të Evi Kokalarit kanë tronditur bazën e demokratëve. Qëndrimet e saj publike, i kanë bërë ata plot zemër e kurajë, prandaj në datën 7 korrik, në krye të protestës, në krye të fjalimeve duhet të jetë Evis Kokalari.

Plas në PD/ Duam Evin në protestë

Janë me qindra firma që janë mbledhur deri tani dhe gjithashtu demokratët deklarojnë se janë të gatshëm t’ia paguajnë të gjitha shpenzimet Evit, që ajo t’i deklarojë kur të shkojë në SHBA si lobiste.

Edhe ato shpenzime që ka përdorur për muaj e muaj të tërë që ka qëndruar në Shqipëri. Për ato dhjetëra mijëra euro në hotele dhe shpenzime të tjera. Zonjës Kokalari, këtë herë janë të gatshëm t’ia mbulojnë demokratët. Mjafton që ajo të vijë në protestë, të flasë dhe t’i japë shpirt dhe kurajë të gjithëve. Evi, Evi ne të duam, pritet të jetë shpërthimi i turmës gjatë protestës./CNA.al

Lajmet e fundit nga