Opozita hodhi akuza mbi ligjin për fermerët/ Ministrja përlotet në foltore

21 Dhjetor 2022, 18:06, Politikë CNA

Opozita hodhi akuza mbi ligjin për fermerët/ Ministrja përlotet

Ministrja e Bujqësisë, Frida Krifca

Ministrja e Bujqësisë, Frida Krifca, është përlotur gjatë fjalës në Kuvend.

Pak më herët nuk u lejua të flasë nga deputeti i PD, Flamur Noka.

Më tej ajo u shfaq e prekur në foltore, për shkak se opozita hodhi akuza se nuk është bërë mjaftueshëm punë.

"Po thoni tu bëjmë ligjin, po u hapin parukeri, kur unë nuk kam flokë. E njëjta gjë për fermerin, po të bëj ligjin, por unë skam tokë ta blej."- tha Korreshi gjatë fjalës së tij, ku ka hedhur akuza edhe në lidhje me ndarjen e subvencioneve për fermerët.

Sipas Korreshit, nafta po ndahet vetëm për anëtarët e PS-së. Nuk dihet nëse ishin pikërisht këto fjalë që përlotën ministren, por gjatë fjalës së saj ajo iu kundërpërgjigj akuzave të deputetit Korreshi, ku u shpreh se po punohet gjithmonë në favor të fermerëve.

“Mesazhet që më vijnë nga prodhuesit e verës janë optimistë duke na uruar që më në fund po çojmë para një unë që pritet prej tyre prej shumë kohësh. Punë që është bërë dorë për dore me ta. Ligj që ka katër vite që piqet në zyra që më pas është pasur në një punë të detajuar edhe në komisionin e veprimtarisë prodhuese. Është bërë punë qelibar dhe ti hidhet baltë sektorit që është promotor i prodhimit është gabim. Funksioni i këtij parlamenti është funksion legjislativ. Unë nuk vi nga zyra, nuk rri në zyrë 24 orë. Unë vi nga terreni, nëse kam që qasje në punën time është ët kuptoj çfarë ndodh në terren. I përgjigjem çdo mesazhi të fermerëve, ulem diskutoj me ta. Nuk them që çdo ecën shkëlqyer, sigurisht që ka problematika të një sistemi bujqësor të trashëguar. Kemi një sipërfaqe të prodhimit të ruajtur në mos në rritje, jemi gati 20% më shumë eksporte se vitin e kaluar. Në një vit sfidash fermerët tanë prodhojnë më shumë. Kemi mbështetur 5.1 mld lekë përmes skemës mbështetëse për fermerët. Jemi në një vit kur qeveria i ka dhënë prioritet bujqësisë sepse kemi trashëguar problematika që duam ti ofrojmë zgjidhje.

Ne me ligjin e ri formalizojmë bujqësisë, nëse kemi pasur një situatë të mbiprodhimit të rrushit pa kriter, vëmë rregulla. Nuk do të lejojmë që produktin e importit ta favorizojmë dhe duke e përzier me produktet autoktone. Ky ligj mbron fermerin, krijon kushte që fermeri dhje kantinat e verës bashkëpunojnë duke i dhënë vlerë produktit”, tha Krifca./CNA.al