LEXO PA REKLAMA!

SHKARKO APP

Alibeaj bën “zhurmuesin”/ Lindita Nikolla “i tregon vendin”: S’kam nevojë për lejen tënde

21 Dhjetor 2022, 16:20, Politikë CNA
Alibeaj bën “zhurmuesin”/ Lindita Nikolla “i tregon
Kryetarja e Kuvendit, Lindita Nikolla

Pas përplasjes në Kuvend, Enkelejd Alibeaj ka bërë zhurmuesin në lidhje me përjashtimin e deputetit Flamur Noka nga grupi parlamentar i PD-së.

Alibeaj iu drejtua kryetares së Kuvendit, Lindita Nikolla, duke i thënë se nuk duhet të japë shpjegime ligjore për Nokën, pasi u shpreh se nuk e përcakton ajo se kush është grupi parlamentar.

“Nuk jeni ju e ulur që përcaktoni se kush është grup parlamentar e se kush bën pjesë. Ju duhet të jepni shpjegime ligjore. Këtu apo në gjykatë. Këtë kërkesë kam dhe unë, jepini çdo deputeti dokumentet e prezantuara nga PD-ja. Nuk kemi rënë dakord për rendin e ditës, ju e dini se si është votuar në Konferencë të Kryetarëve. Rregullorja e kërkon që t’u jepet koha deputetëve. E fundit, në mënyrë sistematike kemi ngritur projektligjet e depozituara nga deputetët, duhet të merren parasysh”, theksoi ai.

Por kryeparlamentarja “i tregoi vendin”, teksa deklaroi se nuk ka nevojë për lejen e Alibeajt.

“Nuk kam nevojë për lejen tënde për të dhënë dokumentacionin. Ishte e pavend kjo ndërhyrje zoti Alibeaj”, nënvizoi Nikolla./ B.A. – CNA.al

Lajmet e fundit nga