web counter
LEXO PA REKLAMA!

SHKARKO APP

App Store
Google Play

E fundit!

x

A do ta mbështesni Belind Këlliçin në zgjedhje?/ Dashamir Shehi tregon qëndrimin e partisë që drejton

20 Dhjetor 2022, 14:45, Politikë CNA

A do ta mbështesni Belind Këlliçin në zgjedhje?/ Dashamir

Deputeti dhe kryetari i LZHK Dashamir Shehi deklaroi se forca politike që ai drejton do të garojë e vetme në zgjedhje sa i përket këshilltarëve, ndërsa do të mbështesë një kandidat të vetëm në secilën bashki. Shehi vuri në dukje se do mbështesë kandidatin që i duket më i mirë duke shtuar se dalja me dy kandidatë vështirëson fitoren.

Në një intervistë për MCN TV, ai tha se ende ka mundësi për sondazhe, edhe pas procesit të primareve në PD.

 “Ne do hyjmë më vete. Këshilltarët i kemi caktuar. Në qytetet e vogla pothuajse i kemi caktuar, një pjesë ata që kanë qenë, një pjesë janë të rinj. Po mundohemi të zgjedhim cilët ka më të mirë LZHK-ja. Do hymë vetëm për këshilltarë. Për kandidatët për kryetar, jam për të mbështetur një dhe kam shpresë që deri në fund do mbërrijmë në një. Nëse shkojmë me dy do ishte një skemë fatale. Po shtyjmë për t’u bërë një, deri se ku mbërrijmë se dimë. Formula e bashkimit është e vjetra, bashkohemi përqark atij që është kandidati në bashki. Pjesa tjetër që unë jam vagoni më i madh, hajdeni pas meje, s’vlen më, nuk prodhon politikë. Nëse hyhet me dy kandidatë, ka vende që mund të fitohet edhe me dy, por do vështirësohet shumë. Ne do mbështesim atë që na duket më i saktë, më i mirë. Nga këtu deri në zgjedhje ka një projeksion politik, një sondazh, që do duket. Qe një gabim primaret. Por ka kohë plot edhe për t’u bërë sondazhet, edhe për t’u negociuar mes kandidatëve të dy palëve, të ketë edhe kompromise për tërheqje””, ka thënë Shehu.

I pyetur nëse do ta mbështesë kandidaturën e Belind Këlliçit në Tiranë, Shehi tha:

"Nëse do jetë ky i vetmi, këtë do mbështesnim. Ne mbështesim opozitarët. Jam një njeri i opozitës prej shumë vitesh, kjo është skemë e mbyllur. Kemi edhe 2 muaj kohë për të negociuar, për të bërë më të mirën, për të dalë me një kandidat të vetëm”, ka thënë më tej Shehu./CNA.al





Lajmet e fundit nga