web counter
LEXO PA REKLAMA!

SHKARKO APP

App Store
Google Play

“Të thithim trurin që ndodhet jashtë Shqipërisë”/ Tabaku, thirrje Kuvendit

19 Dhjetor 2022, 17:28, Politikë CNA
“Të thithim trurin që ndodhet jashtë
Deputeja e Partisë Demokratike, Jorida Tabaku

Deputeja e Partisë Demokratike, Jorida Tabaku, ka bërë një thirrje për Kuvendin, teksa ka cekur temën e largimit të shqiptarëve.

Në një status në rrjetet sociale, Tabaku fton Kuvendin të rrisë kapacitetet për përafrimin e legjislacionit në procesin e integrimit në ligje sektoriale të caktuara.

Sipas saj, me këtë proces duhet thithur truri dhe mendja që ndodhet jashtë Shqipërisë.

“Të rinjtë do ta ndërtojnë Europën këtu!

Megjithëse një vit i vështirë për Shqipërinë dhe shqiptarët, lajmi i mirë qe nga fusha e integrimit. Kjo jo vetëm për Shqipërinë, por edhe shqiptarët duke pasur parasysh edhe liberalizimin e vizave për Kosovën.

E ardhmja e vendit tonë mbetet Bashkimi Europian jo vetëm se kemi mbështetjen më të madhe financiare duke dëshmuar mbështetjen për integrimin e vendit tonë dhe shqiptarëve.

Ironikisht dilemat për këtë proces i ka pasur politika, mazhoranca, më shumë se sa Këshilli Europës. Prandaj politika ka dhe dëshirën për të monopolizuar një proces që transformon shoqërinë dhe vendin tonë rrënjësisht.

Qeveria sot do ta kthejë këtë proces sa më teknik duke e kufizuar tek data; ndërkohë që ky duhet të jetë një debat kombëtar; duhet të përfshijë të gjithë shoqërinë.

Ndaj ne kemi nisur një proces jo vetëm për të rishikuar ligjin, por mbi të gjitha për të rritur peshën specifike të shoqërisë dhe shqiptarëve në këtë proces. Sidomos sot kur të rinjtë dhe të rejat janë më pranë këtij procesi falë liberalizimit të vizave dhe studimeve jashtë.

Sot të rinjtë e të rejat shqiptarë largohen se nuk shohin mundësi në Shqipëri se nuk po i prekin përfitimet e këtij procesi në vendin tonë.

Ndaj ftoj edhe një herë Kuvendin të rrisë kapacitetet për përafrimin e legjislacionit në procesin e integrimit në ligje sektoriale të caktuara.

Ta përdorim këtë proces për Brain gain, për të thithur trurin dhe mendjen që është jashtë Shqipërisë. Të largohemi nga emërimet nepotike e partiake e të ftojmë të rinj e të reja të talentuara.

Dua ta kuptoni që nuk ka asnjë arsye për t’u larguar nga Shqipëria nëse ne e bëjmë Shqiperinë si Europa! Po, ka shumë arsyje që sot të flasësh kundër politikës e Qeverisë dhe unë e bëj këtë çdo ditë në parlament. Por kur vjen fjala për procesin e integrimit, unë besoj që rinia duhet të na prijë”, shkruan deputetja./ B.A. – CNA.al





Lajmet e fundit nga