web counter
LEXO PA REKLAMA!

SHKARKO APP

App Store
Google Play

Largimi i mjekëve dhe infermierëve/ Berisha: Jemi rikthyer si në vitet ‘60 të shekullit të shkuar

19 Dhjetor 2022, 17:47, Politikë CNA
Largimi i mjekëve dhe infermierëve/ Berisha: Jemi rikthyer si në
Kreu i PD-së, Sali Berisha

Kreu i PD-së, Sali Berisha gjatë një mbledhje me anëtarët e Departamentin e Shëndetësisë në PD, ka folur për largimin e mjekëve dhe infermierëve nga vendi.

Berisha tha se, largimi masiv ka kthyer treguesin mjek për banor si në vitet ‘60 të shekullit të shkuar.

“Përulem me nderimin më të madh para kontributit, shërbimit që bluzat e bardha bëjnë për të sëmurët tanë në të 4 anët e vendit.

Ne takohemi sot, në një kohë kur sistemi i shëndetësisë, jetik për çdo shoqëri, ka marrë në këto vite goditje nga më të rëndat në çdo rrafsh. Më shumë se çdo sistem tjetër, sistemi i shëndetësisë, u shkretua nga punonjësit e saj, të cilët këto vitet e fundit u larguan në emigracion, në proporcionet që riktheu treguesin mjek për banor në vitet ’60 të shekullit të shkuar.

Pra, jo vetëm që Shqipëria nuk njohur progres në këtë tregues shumë të rëndësishëm, por e kundërta ndodhi, Shqipëria shënoi hapa të periudhës së viteve të mia studentore, për shkak të një ikje masive të mjekëve dhe infermierëve.

Të ju them të vërtetën, në një takim që pata në Gramsh, aty nga diskutantet ishte dhe një mjeke. Tek fliste, ajo tek përshkruante rrënimin e sistemit dhe kushtet në të cilat punonte, të kthente dekada pas. Doktoresha kishte në ngarkim 3 qendra komunash me mbi 25 mijë banorë. Kolegë të mi e të mia kanë ikur. Si Gramshi ju garantoj se është shumica.

Sistemi ynë ka humbur pothuajse në tërësi atë që quhet rajonizim dhe që është i domosdoshëm për tu përballur, plotësuar kërkesat nevojat e këtij sistemi nga qytetarët. Kudo mashtrimi, falsiteti e gënjeshtra kanë pasoja, por në shëndetësi kanë pasoja fatale, jetën”, tha Berisha./ CNA.al





Lajmet e fundit nga