web counter
LEXO PA REKLAMA!

SHKARKO APP

App Store
Google Play

E fundit!

x

Meta i “vërsulet” SPAK-ut/ I kthehet kohës kur u shkarkua nga Kuvendi

19 Dhjetor 2022, 20:47, Politikë CNA
Meta i “vërsulet” SPAK-ut/ I kthehet kohës kur u shkarkua
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, i është vërsulur SPAK-ut. Në një intervistë me gazetaren Elona Meço, tha se nuk ka shprehur ndonjëherë besim tek SPAK megjithëse ka bërë disa denoncime edhe në kohën kur ishte President, duke kujtuar edhe kohën kur u shkarkua nga Kuvendi.

“Nuk kam shprehur asnjëherë besim tek SPAK, pavarësisht se i kemi dhënë besim SPAK-ut që të provojë veten. Si president i kam çuar disa denoncime SPAK-ut, përfshirë dhe fallsifikimin e firmës së Kryetarit të Kuvendit për shkarkimin e Presidentit dhe nuk është ndërmarrë asnjë masë apo nuk ka konkluzion për këtë çështje. Këto janë çështje të rënda. Kur arrihet të fallsifikohet firma e Kryetarit të Kuvendit në Gjykatën Kushtetuese nga Parlamenti i Shqipërisë kundër Presidentit, çfarë mund të ndodhë me qytetarin. Ishte pastaj çështja e mos hetimit të zgjedhjeve me dosjen e Dibrës, që solli si pasojë edhe atë që ndodhi në Elbasan në zgjedhjet 2021. Për të mos folur pastaj për patronazhistët, që, në vend të hetonin Edi Ramën dhe vartësit e tij që përdornin të dhënat përsonale për qëllime shantazhi, hetuan dy gazetarë”, tha Meta./ CNA.al





Lajmet e fundit nga