LEXO PA REKLAMA!

SHKARKO APP

“Demokratët duan të futen me një kandidat”/ Korreshi: Berisha dhe Alibeaj nuk pyesin për bashkim

20 Dhjetor 2022, 21:54, Politikë CNA

“Demokratët duan të futen me një kandidat”/ Korreshi:

Ish-deputeti demokrat Saimir Korreshi,  është shprehur se demokratët kërkojnë bashkimin e Partisë Demokratike dhe daljen me një kandidatë në zgjedhje.

Sipas tij kreu i demokratëve, Sali Berisha dhe Enkelejd Alibeaj duhet të bashkohen për të fituar pasi nëse ata dalin me dy kandidatë të ndryshëm në zgjedhje ata do të humbin dhe partia do të rrënohet.

Demokratët duhet të futen me një kandidat. Nuk fitojmë me dy. PD duhet deri në finalen e saj të bëjë përpjekje për të bashkuar demokratët dhe të futet në zgjedhje me një kandidat. E kërkojnë demokratët, e kanë të qartë. Por duke parë në këtë farë dergjjeje që është PD, ndodh që njerëzit nuk akne besim te ne. Janë të zhgënjyer nga opozita. Berisha u ka premtuar se do rrëzojë Ramën, dhe humbësi dhe fituesi i zgjedhjeve është Berisha. Duhet të kishte përpjekje më të madhe nga ai për tu bashkuar. Logjika nuk shkon, situata po precipiton, nëse s’do kemi ndërgjegje nga liderët, kjo do shkojë drejt rrënimit të PD”, tha deputeti.

Më tej Korreshi deklaroi se  nuk u bashkua me grupin e Berishës  për dy arsye, një sepse ai nuk u fut në garë me Lulzim Bashën, dhe e dyta, se proceset e votimit të zhvilluara nga Berisha kanë qenë të njëanshme.

Sepse nuk kuptova asnjëherë kur Berisha kishte mundësinë të ‘rrihte’ Bashën dhe nuk e beri. Pse do duhej ne të vraponim në dyert e gjykatave. Berisha do ta kishte heq një siklet nëse me datë 18 do kishte mund Bashën me ngritje dorë dhe gjithë demokratët shkonin te selia dhe kishim atë kryetar.

Nuk kuptova nxitimin për të bërë procese të njëanshme, kjo është goditja më e rëndë, se demokratët duke mos qenë të përfaqësuar”, u shpreh Saimir Korreshi./ CNA.al

 

 

Lajmet e fundit nga